سەرنووچە:

د هێرشەکا چەکدارێن داعشێ دا چار کەس هاتنە کوشتن

فۆتۆ: 
2020-02-18

479 جار خوێندراوەتەوە

دیجیتال میدیایا ئێن ئاڕ تی، کەرکوک، ئاسۆ ئەحمەد

چاڤکانیەکێ ئەولەهیێ ڕاگەهاند، د هێرشەکا چەکدارێن داعشێ دا بۆ سەر گوندێ چەخماخە ل سنورێ قەزایا دوبز، چارکەس هاتنە کوشتن و سێ کەسێن دی ژی برینداربوون.

وی چاڤکانی بۆ دیجیتال میدیایا ئێن ئاڕ تی ڕاگەهاند، هێزێن ئەولەهیێ ڕوبڕوویێ چەکدارێن داعشێ بوونە و هەیا نها ژی شەڕ ددۆمە.

بەحسا وێیەکێ ژی کر، دناڤ خانیەکێ گوندێ چەخماخە چەند کەسەک ژ ئاکنجیێن وی گوندی مژولی یاریێن دۆمینە و کۆنکانێ بوونە، دوی دەمی دا سێ چەکداران هێرشی سەر وان کریە و د ئەنجام دا چار کەس کوشتینە و سێ کەسێن دی ژی بریندارکرنە.

پشتی ١٦ێ ئۆکتۆبەرا ٢٠١٧ێ، نەمانا هێزێن پێشمەرگەی ل دەڤەرێن ئاریشە لسەر، بوویەرێن کوشتن و ڕەڤاندنا وەلاتیێن وان دەڤەران زێدەبوونە و چەندین جاران ژی چەکدارێن چەکدارێن داعشێ هێرشی سەر گوندێن وان دەڤەران کرنە.

س.ع