سەرنووچە:

عەبدولستار مەجید: ل شێلادزێ ٢٧ کەس ب تۆمەتا پەکەکەبوونێ هاتنە دەستەسەرکرن

 ژ ئالیێ دەزگەهێ ئەولەهیێ ڤە
فۆتۆ: 
2020-01-26

210 جار خوێندراوەتەوە

عەبدولستار مەجید سەرۆکێ فراکسیۆنا کۆمەل د پەرلەمانێ کوردستانێ دا راگەهاند، ل شێلادزێ ٢٧ کەس ب تۆمەتا ئەندامبوون و کارکرن بۆ پەکەکێ ژ ئالیێ دەزگەهێ ئەولەهیێ ڤە هاتنە دەستەسەرکرن

عەبدولستار مەجید د پۆستەکێ فەیسبووک دا راگەهاندیە، "لگور لدیڤچوونا مە لسەر وی بابەتی، ل دەڤەرا شێلادزێ هەیا نها ٢٧ کەس ژ ئالیێ دەزگەهێن ئەولەهیێ ڤە هاتنە دەستەسەرکرن ، ئەو یەک ژی ب مە گەهشتیە تۆمەتا ئەندامبوون و کارکرن بۆ پارتا کرێکارێن کوردستانێ (پەکەکێ) بۆ دروستکریە.

راگەهاند ژی، " دیارە دەستەسەرکرنا خەلکێ وێ دەڤەرێ پشتی خۆنیشاندانێن سالا دەربازبوویی یا بەشەکا ئاکنجیێن وێ دەڤەرێ دهێت، ل دژی بنگەهـ و بارەگەهێن لەشکەری و ئیستیخباراتی یێن تورکیا د ناڤا ئاخا هەرێما کوردستانێ ب دیار کری ژی ل شێلادزێ".

ئاماژە کر ژی ،" نەرینا مە وەک فراکسیۆنا کۆمەلێ ، دەستەسەر کرنا ب کوم نەیاساییە و پێتڤیە بهێت راگرتن و نابیت دەزگەهێن ئەولەهیێ بۆ خزمەتا هەڤرکیین حزبی بهێت بکارئانین".

ئەڤە ژی د دەمەکێ دایە، ل دژی بنگەهـ و بارەگەهێن لەشکەری و ئیستیخباراتی یێن تورکیا د ناڤا ئاخا هەرێما کوردستانێ ، سالا دەربازبوویی  وەلاتیێن ناحیا شێلادزێ خرڤەبوون و خونیشاندەران بارەگەهێ ئارتێشا تورکیا شەوتاند  و یەک ژ خونیشاندەران  شەهیدبوو.