سەرنووچە:

شاسوار عەبدولواحید: دەرکەفتنا هێزێن ئەمریکا ل عێراقێ دێ ئالوزیان درۆستکەت

شاسوار عەبدولواحید سەرۆکێ ڤەلڤینا نەوەى نوێ
فۆتۆ: 
2020-01-24

246 جار خوێندراوەتەوە

شاسوار عەبدولواحید راگەهاند، "هەیا دەڤەر و عێراق سەقامگیر نەبیت، ئاخفتن لسەر دەرکەفتنا هێزێن بیانى، دژاتیکرنا خەلکێ عێراقێ یە و ئینانا ئالوزیێن زێدەترە بۆ دەڤەرێ".

شاسوار عەبدولواحید سەرۆکێ ڤەلڤینا نەوەى نوێ د تۆیتەکێ دا راگەهاند، "ئەڤ ئەزموونا ل هەرێما کوردستانێ د دەما ٢٩ سالێن دەربازبووى دا و قەوارێ عێراقێ پشتى ٢٠٠٣ێ ژ ئالیێ هەڤپەیمان و ئەمریکایێ ڤە هاتیە پاراستن".

گوت ژى، "هەر ژبەر وێ یەکێ هەیا دەڤەر و عێراق سەقامگیر نەبیت، ئاخفتن لسەر دەرکەفتنا هێزێن بیانى، دژاتیکرنا خەلکێ عێراقێ یە و ئینانا ئالوزیێن زێدەترە بۆ دەڤەرێ".

ئەڤە ژى د دەمەکی دایە کو ئەڤرۆ سپێدێ رۆژا ئەینی، خونیشاندانەک لسەر داخوازا موقتەدا سەدر رێبەرێ رەوتا سەدر ل دەڤەرا جادریە ل بەغدا برێڤەچوو، کو درۆشمێن خونیشاندەران دەرکرنا هێزێن ئەمریکا بوو ل عێراقێ.