سەرنووچە:

نێچیرڤان بارزانی: ئەم ژ ئیرانێ ناترسین لێ ئەم رێزێ لێ دگرین

فۆتۆ: 
2020-01-17

715 جار خوێندراوەتەوە

نێچیرڤان بارزانی د ھەڤدیتنەکێ دا دگەل مالپەرێ ئەلمەنیتەر یا ئەمریکی راگەھاند، "ئەم ژ ئیرانێ ناترسین لێ ئەم رێزێ لێ دگرین".

ئاماژە ژی کریە " ب بوچوونا مە، ئەو گاڤا ژ ئالیێ پەرلەمانێ عێراقێ ڤە بۆ دەرکرنا ھێزێن بیانی ئاڤێتی ، بریارەکا باش نەبوو و کورد و سوننە ژی د وێ بریارێ دا بەشدارنەبوون".

بەحسا وێ یەکێ ژی کر، " دڤێت دەستپێکێ بزانین بۆچی ھێزێن ئەمریکا لڤێرەنە ، ئەو ب داخوازەکا فەرمی یا حکومەتا عێراقێ و راوێژا جڤاتا ئاسایشا نەتەوەیێن ھەڤگرتی د سالا ٢٠١٤ێ دا ھاتنە عێراقێ ، ھەڤدەم رەوشا نھا یا عێراقێ ژی وێ نیشان ددەت کو پێدڤیە ھێزێن ئەمریکا و ھەڤپەیمانان ڤەنەکشن".

راگەھاند ژی ، " زانیاریێن ئیستیخباراتی وێ یەکێ دیاردکەن کو داعش خۆ رێکخستیە و رۆژانە ھێرشان بۆ سەر پێگەھێن عێراقێ ئەنجام ددەن دگەل وێ یەکێ ژی دا د بەرژەوەندیا عێراق و ھەرێما کوردستانێ دایە کو ھێزێن ئەمریکا ڤێ دەمێ لڤێرە بمینن".

دیە زانین ژی، "پەیوەندیێن عێراق و ئەمریکا گرنگن ، لێ ئیران ژی جیرانەک کەڤنە د وێ دەما عادل عەبدولمەھدی ژی بوویە سەرۆک وەزیر ، بزاڤ کرنە خو ژ ھەڤرکیێن ناڤبەرا ئیران و ئەمریکا دووربگریت".

ھەفدەم بەحسا وێ یەکێ ژی کر،  " کو دێ د کۆربەندا داڤۆس دا ھەڤدیتنێ دگەل مایک پێنس جێگرێ سەرۆکێ ئەمریکا کەت".

ئەڤە د دەمەکێ دایە، نێچیرڤان بارزانی سەرۆکێ ھەرێما کوردستانی راگەھاندبوو، بریارا پەرلەمانێ عێراقێ دەربارەی دەرکرنا ھێزێن ئەمریکا بریارەکا باش نەبوو، بەلکی بریارەکا خراب بوو.