سەرنووچە:

ل زاخۆ کەسەک هاتە کوشتن

فۆتۆ: 
2020-01-17

809 جار خوێندراوەتەوە

دیجیتال میدیایا ئێن ئاڕ تی، زاخۆ، ئەحمەد زاخۆی

ئەڤرۆ ل قەزا زاخۆ بسەدەما هەبوونا ئاریشەیەکا جڤاکی کەسەک هاتە کوشتن.

ئەمیر عەلی بەرپرسێ راگەھاندنا ساخلەمیا زاخۆ  تایبەت بۆ ئێن ئاڕ تی راگەھاند، دەمژمێر ١:٣٠ خولەکا پشتی نیڤرۆ یا ئەڤرۆ ئەینێ ( ١٧ چلەیا ٢٠٢٠ێ) ل قەزا زاخۆ  و تاخێ شەعبانیکێ کەسەکێ ٥٣ سالی ب ناڤێ "غازی عومەرە" ب سەدەما ئاریشەیەکا جڤاکی کو (خوینداری) بوویە ب ١١ گولەیان هاتە کوشتن.

زەلالکر ژی، د نها دا تەرمێ کەسێ کوشتی بۆ نەخۆشخانەیا نوژداریا داد یا پارێزگەها دهۆکێ هاتیە ڤەگوهاستن.

هێمن سلێمان بەرپرسێ راگەهاندنا پۆلیسێن دهۆکێ بۆ ئێن ئاڕ تى ڕاگەهاند، هەیا نها کەسێ تاوانبار نەهاتیە دەستەسەرکرن، لێ پەڕەیێن ڤەکۆلینێ لسەر بوویەرێ هاتنە ڤەکرن ڤەکرن و دێ هەمی بزاڤان کەن ژی ب زوترین دەم تاوانبارێ بوویەرێ دەستەسەربکەن.

هەڤدەم، دوهی ژی هەر ل قەزایا زاخۆ کەسەکێ دایک و برایەکێ خۆ کوشتن و دیڤدا، کەسێ تاوانبارا د دەمێ ڕووبڕووبوونێ دگەل پۆلیسان دا، ئەو ژی ب دژواری بریندار بوو و پشتی  کو بۆ نەخۆشخانەیا دهۆکێ هاتیە ڤەگوهاستن، وی ژیانا خۆ ژ دەستدا.

ئەڤە د دەمەکێ دایە، د ٢٤ دەمژمێرێن دەربازبووی دا، ل سنورێ قەزایا زاخۆ  چار ل سەدەما بوویەرێن جودا چار کەس هاتنە کوشتن و کەسەکێ دی ژی کو پۆلیس بوو هات بریندار کرن.