سەرنووچە:

لەتیف مستەفا: كێمكرنا موچەیێ خانەنشینیا پلە بلندان درەوەکا مەزنە

فۆتۆ: 
2019-12-14

931 جار خوێندراوەتەوە

لەتیف مستەفا ب هویری بەحسا موچەیێ خانەنشینیا پلە بلندان کر و ڕاگەهاند،" پشتی گۆهڕینان ژی دێ هەمان موچەی وەرگرن، ژ بلی هندەک گۆهڕینێن کێم نەبیت کو هەژی بەحسکرنێ نینە"

دادوەر لەتیف مستەفا ئەندامێ بەرێ یێ دەستەیا دادوەریا هەرێمێ د هەژمارەیا خۆیا تایبەت هورکاریێن گەهڕین و کێمکرنا پلە بلندان بەلاڤکریە کو ب ڤی ئاوایە، " ٪‏٢٥ پڕانیا موچەو دەرمالەیان +  ٪‏٢.٥ بۆھەر سالەکا خزمەتێ، واتە ئەگەر کەسەک کێمترین خزمەت ھەبیت بۆ خانەنشینیێ کو ١٥ سالە، ١٥ جاران ٪‏٢.٥ دکەتە ٪‏٣٧.٥ + ٪‏٢٥ دێ کەتە ٪‏٦٢.٥ ، ئەگەر ب ڤی ئاوای بیت، پەرلەمانتارەک کو هەموو موچەیێ وی ٨ملیۆن و ٢٠٠ ھزارە ئەگەر  تنێ ١٥ سالا خزمەت ھەبیت، دێ موچەیێ وی کەتە ٥ ملیۆن و ٣٠٠ ھزار، کو ئەڤەژی ڕێژەیەکا زۆرە  دگەل بەغدا".

دایەزانین ژی، ل بەغدایێ دێ ب ڤی ئاوای هێتە حسابکرن:

"هژمارا سالا خزمەتکرنێ جارانی ٪‏٢.٥ موچەیێ ئیسمی کو یێ پەرلەمانتاریێ یە و وەزیر ٤ ملیۆنە، دابەش ١٠٠ و زائید دەرمالەیێ شەھادەیێ لۆگڕەی شەھادا وی دهێتە گۆهڕین: ٪‏٥ خودانێ باوەرنامەیا دبلۆم ،  ٪‏١٠ بەکالۆریۆس ، ٪‏١٥ ماستەر ،٪‏٢٠ دكتۆرا ، زائید غەلای مەعیشە کو لگۆڕەی سالا خزمەتەیێ بۆ نمونە ئەگەر یەکی ١٥ سال خزمەت ھەبیت ٪‏١٥ێ موچەی ئیسمی نەک هەموو موچە پێ بهێتە دان، ب ڤی ئاوای ل بەغدا ئەگەر پەرلەمانتارەک تنێ ١٥ سالا خزمەت ھەبیت دێ گەهیتە تنێ ٢ ملیۆن دینارە ،بۆ ھەرسالەکێ ژی زێدەتر بیت د ١٥ سالان دا ١٠٠ ھزارێن دی دەچیتە سەر".

دیارکرنا وێ ڕێژەیێ بۆ موچە و دەرمالەیێ پلەبلندان د دەمەکێ دایە، حکومەت ٢٣ موچەیێ فەرمانبەران قەردارە و ب هێجەتا قەیرانا دارای ژی چەندین پڕۆژەیێن خزمەتگوزاری هاتنە ڕاگرتن.

س.ع