سەرنووچە:

فەڕەنسا.. ب سەدەما گرەڤگرتنێ کەرتا هاتنوچوونێ لکارکەت

ل دژى ​ریفۆرما خانەنشینیێ
فۆتۆ: 
2019-12-14

293 جار خوێندراوەتەوە

خونیشاندان و گرەڤگرتنا کو ل پایتەختا پاریس یا فەرەنسا و چەند باژارێن دى یێن وى وەلاتى ل دژى ریفۆرما خانەنشینیێ بەردەوام بەرفرەهتر دبیت و ب وێ سەدەمێ پرانیا گەشت و میترۆیان راوەستانە.

میدیایێن فەرەنسا بەلاڤکرنە، ب سەدەما خونیشاندان و گرەڤگرتنێ ب درێژاهیا ٤٧٠ کیلۆمەتران ل باژارێ پاریس و دەردوورا وێ رێیا هاتنوچوونێ هاتە لکارخستن و فەرمانبەرێن وى وەلاتى نەکارینە بۆ سەر کارێن خۆ بچن.

ژ ئالیەکێ دى ڤە ، راگەهاندنەکا وەزارەتا ناڤخۆ یا فەرەنسایێ رێژەیا گرەڤگرتنا ماموستایان ل قوتابخانەیێن سەرەتایى و ناڤەندى و ئامادەیى گەهشتیە سەد ٣٢ێ و د هەمبەر دا سەندیکا یا کرێکاران راگەهاندیە رێژەیا گرەڤگرتنا کرێکاران گەهشتیە ٩٢ سەدێ.

هەڤدەم، ڕاوەستاندنا خزمەتگوزاریان د بنگەهـ و کارگێریێن حکومیێن فەرەنسا دا ب سەدەما خۆنیشاندان و گرەڤگرتنێ بەردەوامە.

ب بەژداریا نێزیکی ٨٠٠ هزار کەسان ل ڕۆژا پێنجشەمبێ بۆ دەمێ شەش ڕۆژانە خۆنیشاندان و گرەڤگرتن بەردەوامن هەروەسا بوویە سەدەما ڕاگرتنا هاتنوچونێ د سەرتاسەرێ وەلاتی دا.

پشتی خۆنیشاندانێن ئێلەگ زەردان، هەژمارەکا زۆرا فەرمانبەران د کەرتێن جودایێن فەرەنسا دا وەک نیشاندانا نەڕازیبوونان دژی ڕیفۆرما خانەنشینیێ کو ژ ئالیێ ئیمانوێل ماکرۆن، سەرۆک کۆمارێ وی وەلاتی هاتیە بەرهەڤکرن، لێ خەلکێ وی وەلاتی پێ نەڕازینە و دەست ب گرەڤگرتنا گشتی کرنە.