سەرنووچە:

تورکیا بالیۆزێ ئەمریکا ل ئەنقەرێ گازیکر

دەربارێ بریارا جڤاتا پیران یا ئەمریکا
فۆتۆ: 
2019-12-13

323 جار خوێندراوەتەوە

ده‌یڤید ساته‌رفیلد بالیۆزێ ئه‌مریكا ل‌ ئه‌نقه‌رێ‌، دەربارێ بریارا جڤاتا پیران یا ئەمریکا دەربارێ ب جینۆساید ناساندنا "کۆمکوژیا" ئەرمەنیان بۆ وەزارەتا دەرڤە یا تورکیا هاتە گازیکرن.

ئاژانسا ئەنادۆل بەلاڤکریە، لگۆر ژێدەرێن دیپلۆمات سه‌دات ئۆناڵ جێگرێ وەزیرێ دەرڤە یێ تورکیا دلگرانیێن وەلاتێ خۆ ب بالیۆزێ ئەمریکا ل ئەنقەرێ راگەهاند، ب سەدەما پەسەندکرنا پرۆژە یاسایا پەیوەندیدار ب ئەرمەنان  ڤە ل جڤاتا پیران یا ئەمریکا.

هەر ئەڤرۆ پەیڤدارێ بالیۆزخانەیا ئەمریکا ل ئەنقەرێ دەربارێ بریارا جڤاتا پیران یا ئەمریکا بۆ ب جینۆساید ناساندنا بوویەرێن سالا ١٩١٥ ب ئاژانسێ راگەهاندیە " هەلوێستێ ئیدارا مە نەهاتیە گوهەرتن ، و تێروانینا مە وەک داوى داخویانیا سەرۆکى یە کو دەربارێ وێ یەکێ ل نیسانا دەربازبوویى ئاشکراکریە".

شەڤا دەربازبوویى جڤاتا پیران یا ئەمریکا ب فەرمى دانپێدان ب جینۆسایدا ئەرمەنیان کر و ب وێ بریارێ نەرازیبوونا تورکیا لێکەفت.