سەرنووچە:

ڕۆژئاڤایێ کوردستانێ.. هێزێن ڕزگاریا عەفرینێ کوشتنا ٩ چەکدارێن گرۆپێن گرێدای تورکیا ڕاگەهاند

فۆتۆ: 
2019-12-11

240 جار خوێندراوەتەوە

هێزێن ڕزگاریا عەفرینێ ڕاگەهاند، هێزێن وان ل هەردوو باژاڕێن عەزاز و عەفرینێ ٩ چەکدارێن گرۆپێن گرێدایی تورکیا کوشتنە.

هێزێن ڕزگاریا عەفرینێ کو ب بەشەک ژ یەکینەیێن پاراستنا گەل (یەپەگە) دهێنە دانان  د ڕاگەهاندنەکێ دا دازانین، ڕۆژا ٨ێ کانونێ هێزێن وان د ناڤبەرا گوندێن مەیدانکێ و گەمرۆکێ یێن سەر ب دەڤەرا شەڕا یا گرێدایی عەفرینێ چەکدارێن یەکینەیێن سولتان موراد کرنە ئارمانج و د ئەنجامێ دا ٣ چەکدار هاتنە کوشتن.

دیارکر ژی د هەمان ڕۆژ دا د ناڤبەرا گوندێن بەرادێ و کەفەر نەبۆیێ دا ل دەڤەرا شەڕا، هێزێن وان ل دژی گرۆپا فەیلەق ئەلشام هێرشەک پێکئینانە و تێدا چەکدارەک هاتیە کوشتن و یەکێ دی ژی برینداربوویە.

هەر د ڕاگەهاندنا هێزێن ڕزگاریا عەفرینێ دا هاتیە، ڕۆژا ٩ێ کانونێ ل دەردورا باژاڕێ عەزازێ هێزێن وان ل هەمبەر چەکدارێن فرقات ئەلهەمزە کەفتینە چالاکیێ و د ئەنجاما ڕووبڕووبوونان دا ٥ چەکدارهاتنە کوشتن.

رۆژا ١٨ێ ئادارا ٢٠١٨ێ دەولەتا تورکیا و گرۆپێن چەکدارێن گرێدایی وێ یێن بناڤێ ئۆپۆزسیۆنا سوریا دەست ب سەر باژارێ عەفرینا رۆژئاڤایێ کوردستانێ دا گرتن. ژ وی دەمی ڤە هەیا نها هێزەک ژ شەرڤان و خەلکێ عەفرینێ دبن ناڤێ هێزێن رزگاریا عەفرینێ هاتیە پێکئینان، ناڤ بناڤ چالاکیان ل دژی هێزێن چەکدارێن ناڤ وی باژاری پێکدئینن.

س.م