سەرنووچە:

وێنە.. بۆ یەکەمجار نهێنیا جانتەیا پوتین هاتە ئاشکراکرن

فۆتۆ: 
2019-12-10

1064 جار خوێندراوەتەوە

کەنالێ زوێزدا یا سەر ب حکومەتا ڕوسیا ڤە بۆ یەکەمجار جانتەیا پوتین نیشان دا کو شیانێن سەرهلدانا شەرێ سێیەم یێ جیهانی هەیە.

تەلەفزیۆنا زوێزدا یا ڕوسی ب ڕێکا شاهرەزایان ڤەکۆلین بۆ جانتایێ کریە و ئەوا کو بەلاڤکریە، جانتایا ڤلادمێر پوتین سەرۆکێ ڕوسیا ل ڕوسیا ب "چێگت" دهێتە ناسین کو ئەو ناڤ ژى ل چیایێ چێگت یا هەرێما بەلکار یا ڕوسیا  هاتیە.

هەڤدەم، جانتایێ ژمارەیەکا ڤەشارتى و فلاش کاردەک لسەرە کو  هەر دەمەکێ دا ٢٤ دەمژمێران د ڕۆژەکێ دا شیانێن چالاکبوونێ هەیە.

ئاماژە ژى کریە، پوتین ب ژمارە، هەردەم سێ جانتێن ئەتۆمی دگەلدانە کو یەکێ ئەو بخۆ دکاریت هەلگریت و دوو یێن دى ژى ژ ئالیێ زێرەڤانێن وى یێن زێدە تایبەت دهێن هەلگرتن، هەڤدەم قەبارێ هەر چانتەکێ  هندى لاپتۆپەکێ یە و پۆتین ب هنارتنا کودەکێ دەرفەت پێدانێ بۆ دامەزراوەیێن موشەکێن ئەتۆمیێن وەلاتى خۆ ، دکاریت مۆشەکێن ئەتۆمى ئاراستەى هەر جهەکێ بڤێت بکەت و هەر دەما بڤێت شەرێ جیهانى سەرهلدەت.

 شلۆڤەکارێ کەنالێ رۆسی بەحسا چەند دۆگمەیێن ناڤا چانتایێ کریە کو هەر یەک بەرپرسە ژ ئەنجامدانا فەرمانەکێ لێ ژ هەموویان گرنگتر بەحسا دۆگمەیەکا سپى کریە کو پشتى دانانا ژمارا ڤەشارتى و ب دەستلێدانێ راستەۆخو دێ فەرمانا سەرهلدانا شەرێ ئەتۆمى کەت.

ئەڤە ژى د دەمەکێ دایە، بەریا نها میدیایان جانتا جانتایا ئەتۆمیا دۆناڵد ترەمپ سەرۆکێ ئەمریکا کو ب "فوتبۆڵ – تەپا پێ یا ئەتۆمی" هاتیە نیاسین بەلاڤکربوو ، جووداهیا جانتێن پۆتین و ترەمپ د وێ یەکێ دانە پۆتین راستەخو فەرمان جێبەجێ دکەت لێ دۆنالد ترەمپ تەنێ دێ فەرمانێ بۆ پنتاگۆن هنێریت و دێئەو جێبەجێکەن.