سەرنووچە:

عێراق.. سوبەهى بهێنڤەدانا فەرمییە

فۆتۆ: 
2019-12-09

1117 جار خوێندراوەتەوە

سەرۆک وەزیرێ کاربرێکەرێ عێراقێ راگەهاند، ب هەلکەفتا دووەمین سالڤەگەرا سەرکەفتنێ بسەر رێکخراوا داعش دا و کۆنترۆلکرنا باژارێ موسلێ ، سوبەهى سێشەمبیێ دێ بهێنڤەدان بیت و ل هەرێمێ ژى دێ دەواما فەرمى بیت.

د راگەهاندنەکێ دا عادل عەبدولمەهدی سەرۆک وەزیرێ کاربرێکەرێ عێراقێ راگەهاند، " ب هەلکەفتا دووەمین سالڤەگەرا سەرکەفتنێ بسەر رێکخراوا داعش دا و کۆنترۆلکرنا باژارێ موسلێ و تەڤاهیا ئاخا عێراقێ ، پیرۆزباهیا تەڤاهیا وەلاتیێن گەلێ خۆ دکەین".

زەلال ژى کریە، " ب وێ هەلکەفتێ هەر وەک سالێن دەربازبوویى ، ئەڤرۆ ژى مە بریار دا سوبەهى سێشەمبیێ بکەینە بهێنڤەدان".

هەڤدەم جوتیار عادل پەیڤدارێ حکومەتا هەرێمێ راگەهاند، ئەو بهێنڤەدان هەرێما کوردستانێ ڤەناگریت و سوبەهى دێ دەوام یا فەرمى بیتن.

حکومەتا عێراقێ ل رۆژا ١٠ێ کانونا سالا ٢٠١٧ێ کۆنترۆلکرنا تەڤاهیا دەڤەران و سەرکەفتنا بسەر رێکخراوا داعش راگەهاند و ئەو رۆژ ژى وەک بهێنڤەدانا فەرمى  د وى وەلاتى دا هاتە دیار کرن.