سەرنووچە:

وەزارەتا ڤەگوهاستنێ جگارەکێشان د ناڤ تەکسی و پاسان دا قەدەغەکر

فۆتۆ: 
2019-12-09

623 جار خوێندراوەتەوە

وەزارەتا ڤەگوهاستن و گەهاندنا هەرێمێ ڕاگەهاند، جگارەکێشان د ناڤ تەکسی و پاسان دا قەدەغەیە و بکارئینانا ڕادیۆیێ ژی ب حەزا سەرنشینی دبیت.

لگۆری نڤیسارەکا وەزارەتا ڤەگوهاستنێ، جگارەکێشان بۆ سەرنشین و شۆفێرێ تەکسیێ و پاسان قەدەغەیە و ئەو کەسێن کو بنپێکاریا بڕیارێ دکەن، ب هەڤبەندی دگەل وەزارەتا ناڤخۆ و پۆلیسێن هاتنوچوونێ دێ سزایێ مادی دەن.

دیارکریە ژی، د بڕیاردانێ دا پشت ب ڕێنمایین سازیا ساخلەمیا جیهانی یا بناڤێ دەبلیۆ ئێچ ئۆ گرێدایە کو تایبەتە ب جگارەکێشانێ د جهێن گشتی دا.

د بڕگەیەکا دی یا نڤیسارێ دا هاتیە، بکارئینانا ڕادیۆیا تڕۆمبێلێن پاس وتەکسی لسەر حەزا سەرنشینی دبیت و ئەگەر سەرنشینی داخواز نەکر بهێتە ڤەمراندن، پێدڤیە هەڤبەندی د ناڤبەرا سەرنشین و شۆفێران دا هەبیت، لێ دەمەکێ دا کو تەکسی و پاسان سەرنشین دگەل دا نەبن شۆفێر دکارن ب حەزا خۆ بکاربینن.

س.م