سەرنووچە:

پشتی بڕیارا نەوەی نوێ، باژێڕڤانیا بەردەڕەش کارکرن د پرا گوندێ کەونەباک دا دەست پێ کر

سیپان ئامێدی: یا گرنگ ل دەف مە ئەوە خزمەت بگەهیتە وەلاتیان
فۆتۆ: 
2019-12-08

1070 جار خوێندراوەتەوە

دیجیتال میدیایا ئێن ئاڕ تی، بەردەڕەش، تائیف گۆران

پشتی بڕیارا نەوەی نوێ بۆ دروستکرنا پرا گوندێ کەونەباک ل قەزا بەردەڕەش باژێڕڤانیێ دەست ب کارکرن د وێ پرێ دا کر.

نووچەگەهانێ دیجیتال میدیایا ئێن ئاڕ تی ڕاگەهاند، پشتی کو دوهی نەوەی نوێ بەرهەڤیا خۆ لسەر دروستکرنا پرا گوندێ کەونەباک ل سنورێ قەزا بەردەڕەش نیشاندای، درەنگیا ئێڤاریا ئەڤرۆ تیمێن باژێڕڤانیا بەردەڕەش کەلوپەل و پێدڤیێن کاری بۆ سەر پرێ ڤەگوهاستن و دەست ب کارێن وێ کرن.

هەڤدەم سیپان ئامێدی پەرلەمانتارێ نەوەی نوێ ل پەرلەمانێ کوردستانێ د پەرەیێ خۆ یێ فەیسبووکێ دا دەربارەی دروستکرنا پرا وی گوندی دازانین، "پشتی کو مە وەک نەوەی نوێ بڕیارا دروستکرنا پرا گوندێ کەونەباک ل قەزا بەردەڕەش دا، هەر ب ڤێ شەڤێ حکومەتی نەچاربوو دەست ب دروستکرنا پرێ بکەن".

دیارکر ژی، "یا گرنگ ل دەف مە ئەوە خزمەت بگەهیتە وەلاتیان، ئەڤا ئەم دکەین وەک کار و ئەرکێ مەیە وەک ئۆپۆزسیۆن".

ئەڤە دەمەکێ دایە، پرا گوندێ کەونەباک ژبەر بارانبارینێن سالا دەربازبوویی ب تەمامی ژکار کەفتیە و هاتنوچوونا وەلاتیان و قوتابیان ئاستەنگ کریە، چەندین جاران ژی خەلکی داخوازا دروستکرنا وێ ژ ئالیێن پەیوەندیدار کریە، لێ وەک ئەو دبێژن، کەس ل دیف داخوزیا وان نەهاتیە. دوهی ژی ڤەلڤینا نەوەى نوێ بریاردا دروستکرنا وێ پرێ ب ستویێ خۆ ڤە بگریت نۆژەن بکەت.

 س.م