سەرنووچە:

ب سەدەما راپۆرتەکا ئێن ئار تى وەزیرێ پەروەردێ سوپاسیا ماموستایەکێ کر

فۆتۆ: 
2019-12-08

1608 جار خوێندراوەتەوە

پشتى کو ئێن ئار تى راپۆرتەک دەربارێ ئاوایێ وانە گوتنا ماموستایەکێ قوتابخانەکا کۆیە بەلاڤکریە، وەزیرێ حکومەتا هەرێما کوردستانێ سوپاسیا ماموستایان و بەرهەڤکارێن راپۆرتێ کر.

ئالان حەمە سەعید وەزیرێ پەروەردێ د کۆمێنتەکێ دا بۆ ئێن ئار تى ل فیسبووکێ نڤیسیە، " سوپاس بۆ بەرهەڤکرنا وێ راپۆرتێ ، سوپاسیەکا بێ وێنە بۆ رێڤەبەر و ستافێ کارگێری و وى ماموستایێ بەرێز و تەڤایا ماموستایێن دى یێن وێ قوتابخانەیێ".

هەروەسا راگەهاند ژى، " هەر دەما کو چوومە کۆیە ، دێ سەردانا وێ قوتابخانەیێ کەم ، دێ ل نێزیک ڤە سوپاسگوزاریا خۆ بۆ دربرم".

ئەڤ یەک ژى د دەمەکێ دایە ، شەڤا دەربازبوویى ئێن ئار تى راپۆرتەک لسەر ماموستایەکێ یەک ژ قوتابخانەیێن کۆیە بەلاڤکر کو تێدا ب ئاوایەکێ کریارى و ب ئاوایەکێ بالکێش و باندۆر خواندەکاران ل وانان تێدگەهینیت.