سەرنووچە:

عێراق.. سەرڕاستکرنا یاسایا کۆمسیۆنا هەلبژارتنان هاتە پەسەندکرن

٢٨ مادە هاتنە پەسەندکرن
فۆتۆ: 
2019-12-05

358 جار خوێندراوەتەوە

دیجیتال میدیای ئێن ئاڕتی، ئومێد موحەممەد، بەغدا

پەڕلەمانێ عێراقێ سەرڕستکرنا تەڤاهیا بڕگە و مادەیێن یاسایا کۆمسیۆنا بلندا سەربەخۆیا هەلبژارتنان پەسەندکرن.

د ڕۆنشتنا ئەڤ شەڤە یان پەرلەمانێ عێراقێ دا ب پڕانیا دەنگێن پەرلەمانتاران تەڤاهیا بڕگە و مادەیێن سەرڕاستکرنا یاسایا کۆمسیۆنا بلندا سەربەخۆیا هەلبژارتنان هاتنە پەسەندکرن.

هەڤدەم ژ ئالیێ لیژنەیا یاسایی ڤە لهەڤهاتن لسەر بڕگەیێن یاسایێ هاتیە کرن، د نها دا ژی ب دەنگێ پڕانیا پەڕلەمانتاران تەڤاهیا بڕگە و مادەیان کو هەژمارا وان ٢٨ مادەنە هاتنە پەسەندکرن.

بەحسا وێ یەکێ ژی کر، لیژنەیەک ژ حەفت دادوەر و دوو ئەندامێن جڤاتا دەولەتێ بۆ بڕێڤەبرنا کاروبارێن کۆمسیۆنێ هاتیە دروستکرن.

ڕۆژا ٢٩ێ مەها دەربازبوویی، عادل عەبدولمەهدی سەرۆک وەزیرانێ عێراقێ نامەیا دەست ژ کارکێشانا خۆ پێشکەشی پەرلەمانی کر، ڕۆژا ١ێ ڤێ مەهێ ژی پەرلەمان ب بەرهەڤبوونا ٢٤١ پەرلەمانتاران جڤیا و  تێدا دەست ژکارکێشانا عەبدولمەهدی پەسەندکر.

س.م