سەرنووچە:

جڤاتا بلندا فەتوایا هەرێمێ کۆمەکا فەتوایێن نوو دەرکرن

چار فەتوا دەرکرن
فۆتۆ: 
2019-12-05

1055 جار خوێندراوەتەوە

جڤاتا بلندا فەتوایا هەرێما کوردستانێ، چار فەتوایێن نوو دەرکرن، د ناڤا وان دا ژی بەحسا ژنێ دکەت دەما کو بتنێ سیاری تەکسیێ دبیت.

د نڤیسارەکێ دا کو ژ ئالیێ جڤاتا بلندا فەتوایا هەرێما کوردستانێ ڤە دەرچوویە، تێدا چار فەتوایێن نوو دەرکرنە، د ناڤا وان دا ژی بەحسا حوکمێ ژنێ دەما کو بتنێ سیاری تەکسیێ دبیت و ئەو پارەیێ شۆفێر لێ وەردگریت، دکەت.

 د نڤیسارێ دا هاتیە، "دروست نینە شۆفێرا ژن سەرنشینێ زەلام هەلگریت"، دەربارەی شۆفێرێ زەلام ژی بەحسا وێ یەکێ دکەت، "ئەگەر ژن لسەر نەفسا خۆ یا پشتڕاست بوو، دروستە د کورسیێن پشتێ یێن تەکسیێ دا سیار ببیت. پێدڤیە ژن شەڤێ دگەل زەلامێ نامەحرەم دا دەرنەکەڤیت و نابیت بتنێ بۆ دەرڤەی باژاڕی دگەل تەکسیا نامەحرەم دا بچیت".

هەروەسا دەربارەی جەمعکرنا نڤێژان ژ ئالیێ خواندەکارێن کۆلێژ و پەیمانگەهان و خواندنگەهان ڤە دیارکریە، "چ دەقەکێ شەرعی نینە بەحسا جەمعکرنا نڤێژان بکەت د دەما دەوام و خواندنێ دا" و دبێژیت ژی، "جەمعکرنا نڤێژان د قوتابخانە و سازی و بازاڕان دا دروست نینە".

د دەربارێ سپیکرنا دەستکرد یا ڕەنگێ ئاری و جوداهیا کێشا بەرهەمێن خوارنێ یێن د کیسان دا گوتیە، "ئەگەر مادەیێن کیمیایی یان مادەیێن دی یێن زیانبەخش بۆ سپیکرنا ئاری بکاربینن، ب تایبەت ئەگەر هاتە سەلماندن بۆ ساخلەمیێ زەرەر بیت، یان گۆهەرتنا ئارێ سپی بۆ ڕەنگێ ئارێ جەهی، دروست نینە".

بەحسا کێشا بەرهەمێن خوارانێ ژی کریە و دایەزانین، "پێدڤیە کێشا بەرهەمێن خوارنێ لسەر کاغەز و قودیکێن بەرهەمان بهێتە نڤیسین، ئەگەر کێشا بەرهەمی یا جودا بیت دگەل کێشا نڤیسیا سەر کاغەزێ و قودیکان، ب وی ئاوای دروست نینە، یان ئەگەر ب گۆترە د ناڤبەرا فرۆشیار و کڕیاری دا ب ڕازیبوونا هەردوو ئالیان مامەلە پێ بهێتە کرن وی دەمی دروستە".

ئاشکراکریە ژی، ژبەر کو سەدەمێن سروشتی و گەرمی و سەرما کاردکەنە سەر زێدەکرنا کێشا بەرهەمێن خوراکی، باشتر ئەوە کۆمپانیا لسەر بەرگێ کیس و قودیکان بنڤیسیت، "ئەم برپرس نینە ژ  زێدەبوونا کێشا بەرهەمێن خۆ ژبەر سەدەمێ سروشتی".

س.م