سەرنووچە:

ڕۆژئاڤایێ کوردستانێ.. ب سەدەما بۆمبەبارانکرنا بالەفڕێن تورکیا دوو کەس هاتنە شەهیدکرن

سێ کەسێن دی ژی بریندارن
فۆتۆ: 
2019-11-20

219 جار خوێندراوەتەوە

بالەفڕێن شەڕکەرێن تورکیا گوندێ قرنفل یاگرێدایی گرێ سپی ل ڕۆژئاڤایێ کوردستانێ بۆمبەباران کر و د ئەنجامدا دوو کەسێن سڤیل هاتن شەهیدکرن و سێ کەسێن دی ژی برینداربوون.

ئاژانسا هاوار نیوز بەلاڤکر، ل نێزیک دەمژمێر ٩:٣٠ ئێڤاریا ئەڤرۆ سێشەمبێ (٢٠مژدارا ٢٠١٩ێ) بالەفڕێن بێ بالەفڕڤانێن شەڕیێن تورکیا بۆمبەبارانا گوندێ قرنفل یا گرێدای گرێ سپی ل ڕۆژئاڤایێ کوردستانێ کر و د ئەنجامدا دوو کەسێن سڤیل هاتنە شەهیدکرن و سێ کەسێن دی ژی برینداربوون.

بەحسا وێ یەکێ ژی کر، د ناڤ برینداران دا زارۆک و ژن هەنە و ب زەحمەت کارینە وان ڕزگار بکەن و دیفدا بریندار بۆ نەخۆشخانەیا کۆبانێ هاتنە ڤەگوهاستن.

دیارکر ژی، هەر یەک ژ نیزام مەحمود فەتوح و  حەجی محەمەد عەلی میرزۆ د ئەنجامێ بۆمبەبارانکرنێ دا شەهیدبووینە.

بۆمبەبارانا بالەفرێن تورکیا پشتی وێ یەکێ هات، ژ دەستپێکا ڤێ مەهێ ترۆمبێلەکا بۆمبەکری لسەر ڕێیا سەرەکیا گرێ سپی تەقیا و د ئەنجام دا ١٠ وەلاتی شەهیدبوون و هەژمارەکا دی ژی برینداربوون.

س.ع