سەرنووچە:

فەرمانا دەستەسەرکرنێ بۆ چەند بەرپرسێن کەرکوکێ دەرچوو

لگۆڕەی ماددەیا ٣٣١ ل یاسایا سزادانا عێراقێ
فۆتۆ: 
2019-11-20

257 جار خوێندراوەتەوە

دەستەیا دەستپاقژی یا عێراقێ ڕاگەهاند، فەرمانا دەستەسەرکرنێ بۆ جێگرێ پارێزگارێ کەرکوکێ بۆ کاروبارێن هونەری و، سەرۆکێ بەرێ یێ زانینگەها کەرکوکێ و، هەژمارەکا بەرپرسێن دیێن کەرکوکێ دەرچوویە.

دەستەیا دەستپاقژیا عێراقێ د راگەهاندنەکێ دا بەلاڤکر، لگۆڕەی ماددەیا ٣٣١ ل یاسایا سزادانا عێراقێ فەرمانا دەستەسەرکرنێ بۆ هاریکارێ زانینگەها کەرکوکێ  بۆ کاروبارێن زانستی و بەرپرسێ بەرێ یێ کۆلیژا یاسا و سەرۆکێ بەشێ یاسایێ هاتیە دەرخستن.

هەر د راگەهاندنێ دا هاتیە، لگۆڕەی ماددەیا ٣٤٩ ل یاسایا سزادانا عێراقێ، فەرمانا دەستەسەرکرنێ بۆ ١٠ ژ ئەمیندارێن بەرێ یێن لقا کەرکوکێ و عەمبارێن نەفتێ دەرچوویە، کو وان ئەمینداران ژ سالا ٢٠١٥ێ هەیا ٢٠١٨ بەرپرسیار بووینە.

بەحسا وێ یەکێ ژی هاتیە کرن، لگۆڕەی ماددەیا ٣٢٢ێ یا هەمان یاسا، فەرمانا دەستەسەرکرنێ بۆ قایمقامێ بەرێ یێ دووبز ژی دەرچوویە.

ژبەر سەدەمێن هەڤڕکی و ئاریشەیێن حزبێن کوردی تەژیکرنا پۆستێن ئیداریێن کەرکوکێ بوویە بنەمایا سەرەکیا ئاریشەیێن ئالیێن سیاسی و ب تایبەت هەردوو پارتێن دەستهەلاتدار ل هەرێما کوردستانێ، د نها دا ژی حکومەتا ناڤەندا عێراقێ گۆهڕین ژ بەرپرسێن یەکەیێن ئیداریێن وی باژاڕی دەستپێکریە.

س.ع