سەرنووچە:

عێراق.. پێنج خۆنیشاندەر هاتنە کوشتن

٣٢ خۆنیشاندەر ژی بریندار بوون
فۆتۆ: 
2019-11-08

153 جار خوێندراوەتەوە

خۆنیشاندان ل هەریەک ژ باژاڕێن  بەغدا و کەربەلا و بەسرە بەردەوامن و ب گولەیێن ھێزێن ئەولەهیێ ژی چارخۆنیشاندەر هاتنە کوشتن.

نووچەگەهانێ دیجیتال میدیایا ئێن ئاڕ تی ڕاگەهاند، خۆنیشاندان ل بەغدا و چەند باژاڕێن دی ل دژی گەندەلیێ و نەبوونا دەلیڤەیا کاری بەردەوامن و هێزێن ئەولەهیێ ژی خیڤەتێن خۆنیشاندەران شەوتاندن.

بەحسا وێ یەکێ ژی کر، ب سەدەما ڕوبڕوبوونا خۆنیشاندەران و هێزێن ئەولەهیێ چار خۆنیشاندەر هاتنە کوشتن و هەژمارەکا دی ژی بریندار بوون.

هەڤدەم مەھدی کەربەلایی نوونەرێ عەلی سیستانی ئەڤڕۆ د گوتارا ئەینێ دا ڕاگەهاند،‌ عەلی سیستانی مەرجەعێ بلندێ شیعەیان داخوازیێن خۆنیشاندەران ب رەوا و دروست دزانیت و، داخواز ژ بەرپرسێن عێراقێ کریە گوهـ ژ داخوازیێن خۆنیشاندەران بگرن و ب تەقەیێ ڕوبڕویێ نەڕازیبوونێن وان نەبن، ژبەر کو خۆنیشاندان بەرفرەهـ دبن و دێ مەزنتر ژی بن.

لگۆڕەی داویی ئامارا کۆمسیۆنا مافێ مرۆڤێن عێراقێ، د دەمێ پێنج ڕۆژێن دەربازبووی دا ل هەریەک ژ کەربەلا و بەسرە و بەغدا ٢٣ خۆنیساندەر هاتنە کوشتن و زێدەتری هەزار کەسێن دی ژی بریندار بووینە.