سەرنووچە:

میدیایا فەرمی یا سوریا: ئارتێشا سوریا بۆ ڕووبڕووبوونا هێرشێن تورکیا بەر ب باکور بڕێکەفتیە

رەوشا رۆژئاڤایێ کوردستانێ
فۆتۆ: 
2019-10-13

478 جار خوێندراوەتەوە

ئەو یەک ژی دیارکریە، ئارتێش سوریا ب مەرەما ڕووبڕووبوونا هێرشێن تورکیا یێن سەر باکور و ڕۆژهەلاتێ سوریایێ هاتیە.

لگۆری میدیایا فەرمی یا حکومەتا سوریا، چەند یەکەیێن ئارتێشا سوریا د ڕێیا منبجێ دانە و بڕیارە پشتی دەمەکێ دی بگەهنە وی باژاری.

ئەڤەژی پشتی وێ یەکێ هات، کو هەسەدێ بەریا نها دوو بژاردە دابوونە دەست ئەمریکا و پێ ڕاگەهاندبوو، یان دەڤەرا دژەفڕینێ یان دێ پەیوەندیێ دگەل ڕوسیا و حکومەتا سوریا گرێدەن، ئەمریکا ژی گوهـ ب داخوازیێن وان نەدایە و د ئەنجام دا، هەسەدە دگەل ڕوسیا و سوریا لهەڤهات کو هێزێن سەر ب حکومەتا سوریایێ بهێنە دەڤەرێن باکور و ڕۆژهەلاتا سوریایێ.

ڕۆژئاڤایێ کوردستانێ نها دبن هێرشێن دژوارێن تورکیا و گرۆپێن چەکدارێن هەڤالبەندێن وێ دایە، د نها دا شەڕ و پەڤچوونێن گران ل چەندین دەڤەرێن هەڤ سنورێن دگەل تورکیا دا هەیە و بسەدەما هێرش و بۆمبەبارانێن تورکیا ب دەهان سڤیل شەهید و سەدانێن دی ژی برینداربوونە و ب هزارا وەلاتی ژی ئاوارەبوونە.

س.م