سەرنووچە:

تورکیا.. ٣٩٤ کۆچبەر هاتنە دەستەسەرکرن

خواستن دەربازى یونان ببن
فۆتۆ: 
2019-09-20

428 جار خوێندراوەتەوە

هێزێن ئەولەکاریا تورکیا ٣٩٤ کۆچبەر ل سێ پارێزگەهێن تورکیا دەستەسەرکرن کو بزاڤکربوون ب ئاوایەکێ نەیاسایى دەربازى یونان ببن.

میدیایێن تورکیا بەلاڤکرن، ٣٤٥ ژ وان کۆچبەرێن هاتینە دەستەسەرکرن هەلگرێن رەگەزنامەیا پاکستانی، ئەفغانی، بەنیگالی بوون ل گوندێ ئورهانیە لسەر سنوورێ یۆنان ل پارێزگەها ئەدیرنە یا باکورێ رۆژئاڤایێ تورکیا دەستەسەرکرن کو بزاڤکربوون ب ئاوایەکێ نەیاسایى دەربازى یونان ببن.

هەڤدەم وەزارەتا بەرەڤانیا تورکیا لسەر هەژمارا خۆ د تۆرا جڤاکیا تویتەرێ دا بەلاڤکر ، هێزێن کەنار دەریا ل پارێزگەها ئیزمیر یا باشورێ تورکیا ، ٣٠ کۆچبەر ل کەنارێن دەریا ئیجە دەستەسەرکرنە.

هەڤدەم  هێزێن کەنار دەریا یا تورکیا ١١٩ کۆچبەر ل کەنارێن ئیواجیک ل پارێزگەها چاناککا ل باکورێ رۆژئاڤا یا وى وەلاتى دەستگیر کرنە.