سەرنووچە:

مەکتەبا سیاسى یا یەکێتى د جڤینێ دایە

بۆ گۆتوبێژکرن لسەر رێکەفتنا دگەل پارتى
فۆتۆ: 
2019-09-20

229 جار خوێندراوەتەوە

مەکتەبا سیاسى یا یەکێتى بۆ گۆتوبێژکرن لسەر رێکەفتنا دگەل پارتى بۆ پێکئینانا حکومەت و مژارا هەلبژارتنێن پارێزگەها کەرکوکێ د جڤینێ دایە.

لەتیف شێخ عومەر پەیڤدارێ یەکێتى بۆ ئێن ئار تى راگەهاند، جڤینا ئەڤرۆ یا مەکتەبا سیاسى ، بەردەوامیا جڤینا دوهى یە کو بریار بوو ل هەولێر بهێتە کرن، لێ ب سەدەما رێگرى کرن ل مەحمود سەنگاوی ل زالگەها سماقۆلى جڤین نەهاتە کرن.

هەڤدەم نووچەگەهانێ دیجیتال میدیایا ئێن ئار تى راگەهاند، جڤین ب سەرپەرشتیا کوسرەت رەسول عەلى جێگرێ یەکەم یێ سکرتێرێ گشتى یێ وێ حزبێ برێڤە دچیت و تێدا مژارا گرێداى ب رێکەفتنا پێکئینانا حکومەتێ ل ناڤبەرا پارتى و یەکێتى و مژارا هەلبژارتنا پارێزگارەکێ کورد بۆ کەرکوکێ گۆتوبێژ لسەر دهێت کرن.

ئەڤە ژی دەمەکێ دایە، دوهی مەحمود سەنگاوی ئەندامێ سەرکرداتیا یەکێتیێ ب مەرەما پشکداریکرن د جڤینا مەکتەبا سیاسیا حزبا خۆ دا سەرەدانا هەولێرێ کر، لێ ل نێزیک زالگەها دۆلا سماقولێ ڕێگری لێهاتە کرن و ڕێ پێنەهاتە دان بچیتە هەولێرێ، ڤێ یەکێ ژی کارڤەدانێن جودا ل دیف خۆ دا ئینان، لسەر بوویەرێ ژی کۆسرەت رەسول نامەیەکا دلگرانیێ ئاراستەی بارزانی کر.

هەروەسا بورهان سەعید سوفی ئەندامێ سەرکرداتیا یەکێتیێ بۆ ئێن ئاڕ تی ڕاگەهاند، لسەر بوویەرێ سەرکرداتیا یەکێتیێ چاڤەڕێی بەرسڤا بارزانی نە.