سەرنووچە:

ئاکرێ.. وەلاتیەک د ئاڤا گەلیێ زنتا دا خەندقی

خەلکێ هەولێرێ یە
فۆتۆ: 
2019-09-20

186 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حلمی

ل ئاکرێ وەلاتیەکێ خەلکێ هەولێرێ د ئاڤا گەلیێ زنتا دا خەندقی.

بێوار عەبدولعەزیز پەیڤدارێ بەڕەڤانیا باژێرێ دهۆکێ بۆ دیجیتال میدیایا ئێن ئاڕ تی ڕاگەهاند، پشتی نیڤرۆیا ئەڤرۆ ئەینیێ (٢٠ێ ئیلۆنا ٢٠١٩ێ) ل باژێرێ ئاکرێ وەلاتیەکێ خەلکێ هەولێرێ یێ تەمەن ٤٥سالی د ئاڤا دەڤەرا گەشتیاریا گەلیێ زنتا دا خەندقیە.

دیارکر ژی، ئەو وەلاتیە ب مەرەما گەشتێ هاتیە ئاکرێ و پشتی خەندقینێ تەرمێ وی ژ ئالیێ وەلاتیان ڤە د ئاڤێ دا هاتیە دەرخستن.

لگۆری نووترین ئامارێن بەرەڤانیا باژێرێ دهۆکێ ل دەستپێکا ئەڤ سالە و هەیا نها ٢٩ کەس ل سنورێ پارێزگەها دهۆکێ د ئاڤان دا خەندقینە و ٢٢ کەسێن دی ژی ژ ئالیێ وەلاتیان و تیمێن نقومەڤان ڤە هاتنە ڕزگارکرن، تەرمێن دوو کەسێن خەندقی هەیا نها نەهاتنە دیتن.

س.م