سەرنووچە:

مەکتەبا سیاسی یا یەکێتیێ دێ ل سلێمانیێ جڤیت

فۆتۆ: 
2019-09-20

243 جار خوێندراوەتەوە

ئەڤرۆ مەکتەبا سیاسی یا یەکێتیێ بۆ گۆتۆبیژکرنا لسەر ڕێکەفتنا دگەل پارتى بۆ پێکئینانا حکومەتا هەرێمێ و مژارا هەلبژارتنێن پارێزگەها کەرکوکێ دێ جڤیت.

لەتیف شێخ عومەر پەیڤدارێ یەکێتیێ بۆ ئێن ئاڕ تى ڕاگەهاند، جڤینا ئەڤرۆ یا مەکتەبا سیاسی یا یەکێتیا نیشتیمانى کوردستانێ تەمامکەرا جڤینێن دوهیە کو بریاربوو ل هەولێرێ بهێتە کرن لێ ژبەر رێگریکرن ژ مەحمود سەنگاوی ل بازگەها سماقولی جڤین نەهاتە کرن.

هەڤدەم میدیایێن فەرمى یێن ئەکتیێ بەلاڤکریە کو جڤین یا گریدای رێکەفتنا بەرکەفتنا پێکهاتێن حکومەتێ د ناڤبەرا یەکێتى و پارتى دا و مژارا هەلبژارتنا پارێزگارەکێ کورد بۆ کەرکوکێ دێ هێنە گوتوبێژکرن.

ئەڤە ژى د دەمەکێ دایە کو بریار بوو دوهی جڤینا مەکتەبا سیاسی یا یەکێتیێ ل هەولێرێ برێڤەبچیت لێ ژبەر کو ل بازگەها سماقولی رێگری ل مەحمود سەنگاوی هاتە کرن کو بچیتە هەولێرێ و جڤین هاتە پاشخستن.