سەرنووچە:

"پێدڤیە وەک هەرێمەکا دەستوری مامەلە دگەل هەرێمێ دا بهێتە کرن نە پارێزگەهەک"

دەربارەی ئاریشەیێن ناڤبەرا بەغدایێ و هەولێرێ
فۆتۆ: 
2019-09-20

162 جار خوێندراوەتەوە

سەرۆکێ حکومەتا هەرێما کوردستانێ ڕاگەهاند، پێدڤیە وەک هەرێمەکا دەستوری مامەلە دگەل کوردستانێ دا بهێتەکرن نە پارێزگەهەک.

مەسرور بارزانی سەرۆکێ حکومەتا هەرێمێ د کەڤانێ جڤینێ دا دگەل محەمەد حەلبوسی سەرۆکێ پەڕلەمانێ عێراقێ بەحسا وێ یەکێ کر، " ئەم بەرهەڤین تەڤایا ئاریشەیان لگۆڕەی دەستورێ دگەل بەغدایێ دا چارەسەر بکەین، گەشبینین ژی کو بگەهینە چارەسەریێ".

دازانین ژی، سەرکەفتنا کوردستانێ سەرکەفتنا تەڤایا عێراقێ یە، یەکئالیکرنا پرسێن ئاریشە لسەر د بەرژەوەندیا هەموو ئالیەکێ دایە.

هەروەسا حەلبوسی ژی راگەهاند، دخوازن دگەل هەرێمێ بگەهنە ڕێخۆشکرنەکا گونجای یا هەڤپشک بۆ چارەسەرکرنا ئاریشەیان، " ب چ ئاوایەکێ ژی ڕازی نینە زەرەر بگەهنە وەلاتیێن هەرێما کوردستانێ".

سەرۆکێ پەڕلەمانێ عێراقێ بەحسا وێ یەکێ ژی کر، هندەک داخویانیێن جودا دەربارەی هەرێما کوردستانێ هاتینە دان، لێ چ پەیوەندی ب هەلوێستێن فەرمی یێن بەغدا ڤە نینە.

ئەڤە د دەمەکێ دایە، کو د داویا ڤێ حەفتیێ دا شاندەکا بلندا عێراقێ ب سەرۆکایەتیا سەرۆک کۆمار و سەرۆکێ پەڕلەمانی و وەزێرێ دارایی گەهشتنە هەولێرێ و دگەل بەرپرسێن هەرێمێ جڤیان، لگۆڕەی زانیاریان ژی جڤینان بزاڤەکا دی هەیە بۆ چارەسەرکرنا ئاریشەیا نەفتێ و بودجەیێ د ناڤبەرا هەرێمێ و بەغدایێ دا بەری پەسەندکرنا یاسایا بودجەیا سالا ٢٠٢٠ێ.

س.ع