سەرنووچە:

ئەندامەکێ سەرکرداتیا پارتی: هێزێن ئەولەهیێن سلێمانیێ بەرپرسیارن ژ پاراستا بارەگەهـ و جانێ کادرێن مە

فۆتۆ: 
2019-09-20

2009 جار خوێندراوەتەوە

د کارڤەدانێن بوویەرا تەقەکرن ل لقا ٤ دا، پەیڤدارێ جڤاتا سەرکردایەتیا پارتی ل سلێمانیێ ڕاگەهاند، هێزێن ئەولەکاریێن سلێمانیێ بەرپرسیارن ژ پارستنا جانێ کادر و بارەگەهێن مە.

عەتا شێخ حەسەن پەیڤدارێ جڤاتا سەرکردایەتیا پارتی ل سلێمانیێ و هەلەبجە بۆ دیجیتال میدیایا ئێن ئاڕ تێ ڕاگەهاند،" دەستەکێ ڕەش تەقە ل بارەگەهێ لقا ٤ یا پارتیا مە کریە، هێزێن ئەولەهیێن سلێمانیێ و لیژنەیا ئەولەهیا باژاڕی بەرپرسیارەتیا پاراستنا بارەگەهێن پارتی و، پاراستنا ڕحا بەرپرس و کادرێن پارتی دکەڤیتە ستویێ وان".

بەحسا وێ یەکێ ژی کر، " پاراستنا ئاشتیا جڤاکی و سیاسی ئەرکێ ئەخلاقیێ پارێزگەهی و قایمقامیەت و هێزێن پاراستنا تەناهیە ل سلێمانیێ".

دەربارەی هەبوونا برینداران د بوویەرا شەڤا دەربازبوویی دا، عەتا شێخ حەسەن دیارکر ژی، " چ بریندارەک د بوویەرێ دا نینە".

ئەڤە ژی د دەمەکێ دایە شەڤا دەربازبووی ژ ئالیێ هەژمارەکا چەکدارێن نەنیاس تەقە ل بارەگەهێ لقا ٤ یا پارتی ل سلێمانیێ هاتە کرن، پشتی بوویەرێ ژی هێزێن ئەولەهیێن سلێمانیێ ل جادەیا سالم کو جهێ بوویەرێ بوویە و د گەل پشکەکا دی یا جادەیێن سەرەکیێن سلێمانیێ هاتنە بەلاڤکرن.

س.ع