سەرنووچە:

تیما ئەندازیاری یا نەوەی نوێ: د دەما حەفتەیەکێ دا دێ پڕۆژێ دروستکرنا دەروازێ سۆران تەمام کەین

دەما چار مەهانە حکومەت ب درۆستکرنا وی پرۆژەى ڤە مژوولە
فۆتۆ: 
2019-08-24

185 جار خوێندراوەتەوە

دیجیتاڵ میدیای ئێن ئاڕ تی، سۆران، عەبدۆ

تیمێن ئەندازیاری یێن نەوەی نوێ ئامادەیا خۆ نیشان دا، کو د دەما حەفتەیەکێ دا پڕۆژێ دروستکرنا دەروازێ سۆران تەمام بکەین، ئەڤرۆ تیمەکا ئەندازیاری یا ڤەلڤینێ سەردانا سۆران کر.

دەربارەى وێ یەکێ عومەر مامەکوردە بەرپرسێ ئۆفیسا هەولێر یا ڤەلڤینا نەوەی نوێ بۆ دیجیتال میدیایا ئێن ئاڕ تى ڕاگەهاند، پشتى زانیاری و زانینا پێدڤیان د دوو رۆژێن داهاتی دا دێ دەست ب جیبجیکرنا پڕۆژێ دەروازێ سۆران کەین.

زەلال ژى کر، د دەما حەفتیەکێ دا دێ ئەو پرۆژێ دەروازێ سوران هێتە نووژەنکرن و د دەمێ دیارکری دا دێ تەمام بیت.

پشتى کو شاسوار عەبدولواحید سەرۆکێ ڤەلڤینا نەوەی نوێ د لاپەرەیێ خۆ دا ل تورا جڤاکیا فەیسبوکى دا بەلاڤکری، د دەما حەفتەیەکێ دا دێ پڕۆژێ دروستکرنا دەروازێ سۆران تەمام کەین، کو دەما چار مەهانە حکومەت ب درۆستکرنا وی پرۆژەیە ڤە مژیلە دێ د حەفتیەکێ دا تەمام کەین.

ئەڤە ژی د دەمەکێ دایە کو ٢٢ێ تەباخێ تیمێن ئەندازیاری یێن نەوەى نوێ ڕابوون ب قێرکرنا پشکەک ژ جادەیێن باژارێ هەلەبچە، ژبەر کو چالێن زوور تێدانە و ژبەر وێ چەندێ دەمەکێ زورە ئالوزی بۆ وەلاتیان درۆستکرنە.

حەفتیا دەربازبوویی شاسوار عەبدولواحید سەرۆکێ ڤەلڤینا نەوەی نوێ ڕاگەهاند، لسەر ئەرک و بودجەیێ خۆ دێ تونێلا دەربەندیخان نۆیژەنکەن، لێ وەزارەتا ئاڤەدانکرنا حکومەتا هەرێمێ ڕاگەهاند ئەو بخۆ دێ وی کاری کەن.


RADEDITORSAVEDTAG_script src="chrome-extension://lmnganadkecefnhncokdlaohlkneihio/enable.js"></script