سەرنووچە:

پێنتاگۆن: هەسەدێ ئەو سەنگەرێن کو دکەڤن سنورێ دەڤەرا ئارام ڤالاکرن

فۆتۆ: 
2019-08-24

358 جار خوێندراوەتەوە

وەزارەتا بەڕەڤانیا ئەمریکا ڕاگەهاند، هێزێن سوریایا دیموکرات (هەسەدە) ئەو سەنگەر ڤالاکرنە کو دکەڤنە دەڤەرا ئارام.

فەرماندارێ هێزێن ناڤەندیێن ئەمریکا د ڕاگەهاندنەکێ دا دیارکر، پشتی پەوەیوەندیا تەلەفۆنیا وەزیرێن بەڕەڤانیێن ئەمریکا و تورکیا، هەسەدە پێگریبوویە ب جیبجیکرنا میکانیزما ئەولەهیا سنورێ دەڤەرا ئارام و بارەگەهێن خۆ ل سنورێ وان دەڤەران ڤالاکرنە.

د ڕاگەهاندنا وەزارەتا بەرەڤانیا ئەمریکا دا چ زانیارییەک نەهاتیە ئاشکراکرن دەربارەی وان دەڤەرێن کو سەنگەر تێدا هاتنە ڤالاکرن و دیار نەکریە چەند سەنگەر هاتنە ڤالاکرن.

لگۆری وان وێنەیێن کو بەلاڤکرنە، شەڕڤانێن هەسەدێ بەشەک ژ وان تونێل و سەنگەرێن ڤەشارتی تێکدانە کو ل دەڤەرێن سنوریێن ل نێزیک تورکیا دروستکربوون.

ڕۆژا ئەینیێ خولوسی ئاکار وەزیرێ بەڕەڤانیا تورکیا و مارک ئەسپەر وەزیرێ بەڕەڤانیا ئەمریکا د پەیوەندیەکا تەلەفۆنی دا ڕاگەهاندن، پێدڤیە قۆناغا ئێکێ یا دروستکرنا دەڤەرا ئارام د دەمێ خۆ دا بهێتە جیبجیکرن.

س.م