سەرنووچە:

وەزارەتا بەڕەڤانیا عێراقێ هاتە ئەرکدارکرن ب دانانا پلانا پێشخستنا سیستەما بەڕەڤانیا ئەسمانی

فۆتۆ: 
2019-08-24

473 جار خوێندراوەتەوە

جڤاتا ئاسایشا نیشتمانى یا عێراقێ کو بلندترین دەسهەلاتا ئەولەهیێ یە د وەلاتی دا، وەزارەتا بەرەڤانیێ ئەرکدارکر بۆ دانانا پلانا پێدڤى ب مەرەما پێشخستنا سیستەمێ بەرەڤانیا ئەسمانى و پرچەککرنا فەرماندارێن هێزێن ئاسمانى ب ئاوایەکێ کو یا گونجایى بیت دگەل رەوشا نها.

د بەیانامەکێ دا جڤاتا ئاسایشا عێراقێ بەحسا وێ چەندێ کریە، کو حەشدا شەعبى روولەکێ مەزن دیتیە د رووبرووبوونا تیرۆر و پاقژکرنا ئاخ و باژارێن عێراقێ ژ رێکخراوا داعشێ، لەوما پێدڤیە حکومەت پارێزگاریێ لێ بکەت.

هەر د جڤینا جڤاتا ئاسایشا نیشتمانى دا کو ب سەرۆکاتیا عادل عەبدولمەهدی سەرۆک وەزیر و فەرماندارێ گشتییێ  هێزێن چەکدارێن عێراقێ بڕێڤەچبوو، تەکەزی لسەر دیڤچوون بۆ جیبجیکرنا وێ بڕیارێ هاتیە کرن کو ل ١٥ێ تەباخێ دەرچوویە ب هەلوەشاندنا تەڤاهیا وان رازیبونان کو بەرى نها ب فرینا بالافرێن لەشکەرى د ئاسمانێ عێراقێ دا هاتبوونە دا .

جڤین و بریارێن جڤاتا ئاسایشا نیشتمانى یا عێراقێ پشتێ وێ یەکێ دهێت، کو د دەمێن دەربازبوویی دا چەندین جاران بارگەهـ و عەمبارێن چەک و تەقەمەنیێن حەشدا شەعبى ل پارێزگەهێن دیالە، سەڵاحەدین و بەغدا بووینە ئارمانجا هێرشێن ئاسمانى، ئیسرائیل ژى ب تۆهمەتبارێ سەرەکیێ وان هێرشان هاتیە دانان و ئەو وەلات ژى وان تۆهمەتان رەت دکەت.

بنیامین ناتانیاهوو سەرۆک وەزیرێن ئیسرائیلێ دەربارێ وان هێرشان راگەهاندبوو، ل هەر جهەکێ ئیرانێ لێ هەبیت ئەو ناپارێزن و دێ کەنە ئارمانجا خۆ.

س.م