سەرنووچە:

هەڤپەیمانیا ناڤدەولەتى کاروانەکێ دی یێ ئالیکاریان بۆ ڕۆژئاڤایێ کوردستانێ هنارت

٦٠ بارهەلگرێن ئالیکاریێن لوجستى نە
فۆتۆ: ئەرشیڤ
2019-08-24

148 جار خوێندراوەتەوە

هەڤپەیمانیا ناڤدەولەتى یا ل دژى داعشێ ٦٠ بارهەلگرێن ئالیکاریێن لوجستى شاندنە بارگەهێن لەشکەرى یێن هێزێن سوریایا دەموکراتیک هەسەدێ .

ئاژانسا ئەنادۆڵ یا تورکی بەلاڤکر، ئەو ئالیکاریى ل دەریێ سنورى یێ سێمالکان کو دکەڤیتە ناڤبەرا عێراق و سوریایێ، گەهشتنە دەڤەرێ.

هەروەسا بەحسا وێ یەکێ کریە، د ناڤ ئالیکاریان دا، خانیێن كۆنتێنه‌ر، بلۆكێن كۆنكرێت و تڕۆمبێلێن درێژ د ناڤ وى کاروانى دا هەبوونە.

ئاژانسا ئەنادۆڵ ئاشکراکریە ژی، ئەو بارهەلگر بۆ بارگەهێن لەشکەریێن ئەمریکا ل دەڤەرێن بن دەستهەلاتا شەرڤانێن هەسەدێ هاتنە شاندن.

ژ سالا ٢٠١٥ ڤە هەیا نها، ب مەرەما رووبرووبوونا داعشێ، ئەمریکا و هەڤپەیمانان ئالیکاریێن لەشکەرى پێشکێشی هێزێن هەسەدێ دکەن، لگۆرى ئامارێن رەوانگەها سورى بۆ مافێن مرۆڤان، د مەها ئادارا ئەڤ سالە  دا هەیا نها، دوو هەزار و ٣٠٠ بارهەلگرێن چەک و پێدڤیێن لەشکەرى و لوجستى گەهاندنە دەڤەرێن بن دەستهەلاتا شەرڤانانان.

س.م