سەرنووچە:

ناسنامەیا تۆهمەتبارەکێ بوویەرا هەولێرێ هاتە بەلاڤکرن

فۆتۆ: 
2019-07-18

1144 جار خوێندراوەتەوە

دەزگەهێ ئەولەهیا هەرێمێ ناڤ و وێنەیێ تۆهمەتبارەکێ هێرشا هەولێرێ بەلاڤکر کو خەلکێ باکورێ کوردستانێ یە.

د ئاگەهداریێ دا دەزگەهێ ئەولەهیا هەرێمێ راگەهاندیە، "ئەو کەسێ کو وێنێ وى بەلاڤکرى ناڤێ وى ( مەزلوم داغ)ـە ، ژ دایکبوویێ سالا ١٩٩٢ێ یە و خەلکێ باژارێ دیاربەکرێ یە ، ناڤبرى ژ ئالیێ دەزگەهێ ئەولەهیا هەرێما کوردستانێ یێ هاتیە داخوازکرن".

دایە زانین ژى، " داخوازێ ل وەلاتیێن خوشتڤى دکەین هەر زانیاریەکا هەبیت دەربارێ ڤى تاوانبارى ، ب زووترین دەم هێزێن ئەولەهیێ ئاگەهدار بکەت".

بەحسا وێ یەکێ ژى کر، ڤەکۆلین دەربارێ بوویەرێ بەردەوامن.

ئەڤە د دەمەکێ دایە تەقە ل رێستۆرانتەکا هەولێرێ هاتبوو کرن کو کارمەندێن کۆنسۆلخانەیا تورکیا تێدابوون، ئاسایشا هەولێرێ ژى راگەهاند ، ب سەدەما بوویەرێ کارمەندەکێ کۆنسلخانەیێ و وەلاتیەک هاتە کوشتن و یەکێ دى ژى بریندار بوو.