سەرنووچە:

زارۆکەکێ ئێزیدی هاتە ڕزگارکرن

فۆتۆ: 
2019-07-18

228 جار خوێندراوەتەوە

نڤیسینگەها ڕزگارنا ڕەڤاندیێن ئێزیدی ڕاگەهاند، ئەڤرۆ زارۆکەکێ ئێزیدی هاتە رزگارکرن.

حسێن قائیدی ڕێڤەبەرێ نڤیسینگەها ڕزگارنا ڕەڤاندیێن ئێزیدی بۆ ئێن ئاڕ تى ڕاگەهاند، ئەڤرۆ سپێدێ ڕۆژا پێنج شەمبی ١٨ێ تیرمەها ٢٠١٩ێ زارۆکەکێ ئێزیدی بناڤێ (هوکار) کو تەمەنێ وى ١١ سالن و خەلکێ (تل قصب) کو بەرى نها دگەل ماباتا خۆ هاتبوونە ڕەڤاندن، رزگارکریە.

دا زانین ژى، ئەڤ زارۆک دگەل مالباتا خۆ ل ٣ێ تەباخا ٢٠١٤ێ هاتبوونە ڕەڤاندن و بۆ چەندین دەڤەرێن عێراق و سوریێ هاتبوونە ڤەگوهاستن.

زەلال ژى کر، د ناڤ ڕێزێن چەکدارێن داعشێ دا مەشق و ڕاهێنان پێۆ هاتینە کرن، پشتى د چەند ڤیدیۆ و وێنەیان دا هاتیە دیتن کو ل دەف کەسەکێ یە ل باژارێ ئیدلبێ و پشتى دیفچوونەکا باش، بۆ تورکیا هاتە هنارتن و بۆ هەرێما کوردستانێ هاتە ڤەگوهاستن.

ئەڤە ژى د دەمەکێ دایە کو د سالا ٢٠١٤ێ دا پرانیا دەڤەرێن ئێزیدیان توشی هێرشێن ڕێکخراوا داعشێ بوون و کچ و ژن و زارۆکێن وان هاتنە ڕەڤاندن، پشتى لاوازبوونا داعشێ بزافین ڤەگەراندنا وان دهێنە کرن کو هەیا نها ٣هزار و ٤٧٧ کەس هاتنە ڕزگارکرن و زێدەترى ٢ هزار و ٩٠٠ ڕەڤاندیێن دی دبێ سەرۆشینن و چارەنڤیسێ وان نەدیارە.

م.ن