سەرنووچە:

ئاسایشا هەولێرێ ڕاگەهاندنەک دەربارەی تەقەکرنا هەولێرێ بەلاڤکر

فۆتۆ: 
2019-07-17

143 جار خوێندراوەتەوە

ئاسایشا هەولێرێ راگەهاند، ب سەدەما تەقەکرنا باژارێ هەولێرێ کارمەندەکێ کۆنسلخانەیا تورکیا و وەلاتیەکێ گیانێ خۆ ژ دەست دایە.

ئاسایشا هەولێرێ د راگەهاندنەکێ دا ئاماژە ب وێ یەکێ کر، " ل رێستۆرانتەکا باژارێ هەولێرێ بوویەرەکا تەقەکرنێ روودایە، کو ب دلگرانیڤە بۆیە سەدەما گیان  دەستدانا کارمەندەکێ کۆنسلخانەیا تورکیا و وەلاتیەک و برینداربوونا یەکێ دى".

د راگەهاندنێ دا دایە زانین، " ئەم د دەمەکێ دا ڤێ بوویەرێ ب دژوارترین ئاوا شەرمزار دکەین و هەڤخەمیا خو دگەل کەسوکارێن قوربانیان دەردبرین".

زەلال ژى کر، " وەلاتیێن هەولێرێ ب تایبەت دبلۆماتکاران پشتراست دکحەین کو رێکێ نادەین رەوش و ئاسایشا هەرێما کوردستانێ بهێتە تێکدان، ڤەکۆلینا بوویەرێ دەستپێکریە و دێ تاوانباران گەهینە سزایێ خۆ".

ئەڤرۆ د ڕێستورانتەکا هەولێرێ دا تەقە ل هژمارەکا کارمەندێن کونسولخانەیا تورکیا هاتە کرن و میدایێن تورکیا ژی بەلاڤکرنە، د هێرشێ دا جێگرێ کونسولێ تورکیا و دوو دبلۆماتکارێن کونسولخانەیێ هاتینە کوشتن.