سەرنووچە:

شاندەکێ وەزارەتا بەرەڤانیا ئەمریکا سەردانا رۆژئاڤایێ کوردستانێ کر

پێنگاڤا دووەمین یا ژناڤبرنا داعش گۆتوبێژ کر
فۆتۆ: 
2019-06-13

169 جار خوێندراوەتەوە

شاندەکێ وەزارەتا بەرەڤانیا ئەمریکا سەردانا رۆژئاڤایێ کوردستانێ کر و پێنگاڤا دووەمین یا ژناڤبرنا داعش و ئاڤەدانکرن و چاوانیا پێشکێشکرنا خزمەتگوزاریان دگەل بەرپرسێن رۆژئاڤا گۆتوبێژ کر.

شاند ژ ئالیێ ولیام رۆباک ،شێوەرمەندێ ئەمریکا د هەڤپەیمانیا ناڤدەولەتى دا سەرۆکاتیا لێ هاتیە کرن، دگەل خوسەریا باکور و رۆژهەلاتێ سوریا جڤیا.

پشتى جڤینێ ژى ، ولیام رۆباک بۆ میدیایان ئاخفت و گوت، سەردانا وى بۆ هاریکارى و پشتەڤانیا سوریا دیموکرات و خوسەریا دەڤەرێ یە ، د چارچوڤێ پێنگاڤا دووەمین یا ژناڤبرنا داعشێ.

راگەهاند ژى، دگەل رێڤەبەراتیا خوسەر بەحس ژ چاوانیا پێشکێشکرنا خزمەتگوزاریان بۆ گەلێن دەڤەرێ کرینە.

دەربارێ دروستکرنا دادگەهەکا ناڤدەولەتى ژى بۆ دادگەهکرنا چەکدارێن داعش گوت، وان د ڤێ سەردانێ دا بەحسا وى بابەتى دگەل رێڤەبەریا خوسەر نەکیە، لێ بابەتەکێ زێدە گرنگە دێ دگەل هەڤپەیمانان شێورێ لسەر کەن.

م.س