سەرنووچە:

د رۆژەكا وەكی ئەڤڕۆ دا هونەرمەند تەحسین تاهاى كۆچا دوایێ كر

هونەرمەندێ مەزن یێ كورد تەحسین تاها
فۆتۆ: 
2019-05-28

307 جار خوێندراوەتەوە

هونەرمەند تەحسین تاها درۆژەكا وەكى ئەڤڕۆ دا ل ولاتێ هۆڵەندا كۆچا دوایێ كر

هونەرمەندێ مەزن یێ كورد تەحسین تاهای ل سالا ١٩٩٤ پشتى ب مەرەما چارەسەریێن ساخلەمى بۆ ئەورۆپایێ چووی، د ٢٨ێ گۆلانا ١٩٩٥ێ ل ولاتێ هۆڵەندا کوچا داویێ کر، د ڕیوڕەسمەکی فەرمى دا ل گۆرستانا ئامێدیێ هاتە ڤەشارتن.

تەحسین تەها د سالا ١٩٤١ دا ل قەزایا ئامێدیێ ژ دایكبوویە، هەر ژ زارۆکینى حەزا ستران گوتنێ هەبوویە و یەكەمین سترانا وى ژى ب ناڤێ "ئاشكرا ناكەم یا لبەر ڤی دلی" کو ژ پەیڤ و ئاوازێن وى ب خۆ بوویە د سالا ١٩٥٨ێ دا گوتیە، ١٩٧١ ل ڕادیۆیا كوردی یا بەغدا تۆماری كریە و ب ڤی سترانێ ناڤودەنگیەکا مەزن پەیداکریە و دیف دا لسەر ستران گوتنێ بەردەوام بوو

تەحسین تەها د سالا ١٩٦٤ دا بەشی شانۆیێ ل پەیمانگەهێ تەمام كریە، دبیتە مامۆستایێ پەروەردەیا هونەرێ ل قوتابخانەیا مەخموورێ یا سەرەتایی ل پارێزگەها هەولێر زوور چالاکیێن هونەریی د بیاڤێ مۆسیقا و سروودا نیشتمانی ل وى باژارۆکى دا کرنە و مالا خۆ ژى دکەتە مەلبەندەکێ موسیقی و سترانبێژێن کورد.

هەروەسا د ناڤبەرا سالێن ١٩٦٠ێ هەیا ١٩٧٠ زێدەتر ژ ١٢٠ ستران د رادیۆیا كوردی ل بەغدا تۆماركرنە، ژبەر سترانێن وى یێ نەتەوەى چەندین جاران هاتیە زیندانکرن.

هونەرمەند تەحسین تاها خودانێ چەندین ستران و ئاوازێن دیارە وەکى ،" دایێ‌ وەلات شیرینە، تو خەون بووی هەمی گاڤا، ملەتێ‌ مە نامرە، كاروانێ‌ مەیێ‌ ب رێڤە، نەورۆزە، شنی تازیا شەهیدان، د گەریا مندا هیشك بوون، هەی بارانێ هەی بارانێ، من خەم دەریایەكا كویرە، وەی دنیایێ.."بوویە

پشتى سەرهەلدانێ یەكەم كۆنسێرت ل باژارێ دهۆکێ هاتە ئەنجام دان ب پشکداریا تەحسن تەهاى د وێ کونسێرتی دا داخواز ژ ئامادەبوویان کر کو سیندبخۆن ب کوردستانێ و سترانا  "دێ سویند خوین ب كوردستانێ دێ ب راستی چینە ژیانێ" گوت.

بەرهەمێن ڤی هونەرمەندێ مەزن دگەهنە ٨ ئەلبومان لێ هەیا نها ب ئاوایەکێ باش نەهاتنە پاراستن و نووکرن، بتنێ ژ ئالیێ چەند هونەرمەندێن دهۆکی ڤە چەند ستران و ئاوازەک هاتینە گوتن، و چ ڤەکولینەک ل سەر بەرهەمێن وى نەهاتیە کرن.

هونەرمەند تەحسین تاها ل سالا ١٩٩٤ بۆ ئەورۆپایێ چووی و د ٢٨ێ گۆلانا ١٩٩٥ێ ل ولاتێ هۆڵەندا کوچا داویێ کر، د ڕیوڕەسمەکی فەرمى دا ل گۆرستانا ئامێدیێ هاتە ڤەشارتن.

م.ن