سەرنووچە:

هەیا نها ٦٠ ژ سەدێ یا زەڤیێن مینڕێژكریێن سنورێ ناحیا كانی ماسێ نه‌هاتنه‌ پاقژكرن

ناحیەیا کانی ماسێ یا سەر ب قەزایا ئامێدیێ
فۆتۆ: ئەرشیڤ
2019-05-15

208 جار خوێندراوەتەوە

دیجیتال میدیایا ئێن ئاڕ تی، ئامێدی، نیهاد ئوره‌مارى

ڕێڤه‌به‌رێ ناحیا كانی ماسێ دیارکر، هەیا نها ٤٠ ژ سەدێ یا زەڤیێن مینڕێژكریێن سنورێ وێ ناحیەیێ هاتنە پاقژکرن، ٦٠ ژ سەدێ وەک خۆ مانە.

سه‌ربه‌ست ئاكره‌یی ڕێڤه‌به‌رێ ناحیا كانی ماسێ بۆ دجیتال میدیا ئێن ئارتی ڕاگەهاند، ڕێكخراوا (MIG) ب هه‌ڤكاری دگه‌ل ڕێڤه‌به‌ریا ده‌زگەهێ مین ل پارێزگه‌ها دهۆکێ هەیا نها شەش هزار و ٤٥٨ مه‌ترێن جارگۆشه‌ ژ زه‌ڤیێن مینڕێژكری ل سنورێ گوندێ باتیفا سه‌یدا ل ده‌ڤه‌را به‌رواری بالا پاقژكرینه.

هەروەسا دیارکر، ٤٠ ژ سه‌دێ یا زه‌ڤیێن مینڕێژكری هاتنه‌ پاقژكرن، لێ هێشتا ٦٠ ژ سه‌دێ مانه‌ و نه‌هاتنه‌ پاقژكرن، زه‌ڤیێن کو پاقژكرنە ژی ڕادەستی خۆدانێن وان هاتنه‌كرن.

مین و تەقەمەنیێن کو ل سه‌رده‌مێ ڕژێما به‌عسا ژ ناڤچویی‌ د وان دەڤەران دا هاتنە بەلاڤکرن، هەیا نها‌ ئاسته‌نگن لهەمبەر وەلاتیێن گوندێن ده‌ڤه‌را به‌رواری بالا بۆ ڤەگەڕیانا سەر زەڤیێن خۆ، زێدەباری وێ یەکێ کو بسەدەما تەقینا وان چەندین وەلاتی بوونە قوربانی.

س.م