سەرنووچە:

مژدە مەحمود: کۆنفرانسا ڕۆژنامەڤانیا شادی نەوزاد ب تەکەزیا سەرۆکاتیا پارلەمانی هاتیە کرن

فۆتۆ: ئێن ئاڕ تى
2019-04-24

940 جار خوێندراوەتەوە

پارلەمانتارەکا فراکسیۆنا نەوەی نوێ ڕاگەهاند، کۆنفرانسا هەردوو پارلەمانتارێن نەوەی نوێ ب تەکەزیا سەرۆکاتیا پارلەمانی هاتیە کرن و د وی دەمی دا دەرگەهـ لسەر پارلەمانتاران داخستنە.

مژدە مەحمود د داخویانیەکێ دا بۆ ئێن ئاڕ تی ڕاگەهاند، د دەما کۆنفرانسا شادی نەوزاد دا، خواستنە بچنە جهێ کۆنفرانسا ڕۆژنامەڤانی بۆ ئاخافتن دگەل هەردوو پارلەمانتاران، لێ ژ ئالیێ پۆلیسێن پارلەمانی ڤە ڕێگری لێ هاتیە کرن.

بەحسا وێ یەكێ ژی کر، پۆلیسێن پارلەمانی گوتنە وان ب فەرمانا سەرۆکاتیا پارلەمانی پێدڤیە کۆنفرانسا پارلەمانی د دەمێ خۆدا بڕێڤە بچیت.

گوت ژی، ئەڤە یەکەم جارە هێزەکا هند زێدە د پارلەمانێ کوردستانێ دا ببینن کو هاتبنە بەلاڤکرن و ب ئاوایەکێ نەهەژی ڕووبڕووی وان بوونە.

ئەڤە ژی دەمەکێ دایە، ئەڤرۆ شادى نەوزاد پارلەمانتارا نەوەى نوێ د پارلەمانا کوردستانێ دا ڕاگەهاند، "کەسێن کو نەڕازین گەفا بەلاڤکرنا گرتە ڤیدیۆیێن ساختەکری لێ هاتیە کر" و گوت ژی، "دێ سکالایێ لسەر شاسوار عەبدولواحید سەرۆکێ ڤەلڤینا نەوەى نوێ تۆمار کەین".

س.م