سەرنووچە:

​ئاکرێ.. د دەما هەلکرنا ئاگرێ نەورۆزێ دا گەنجەک د کەلا ئاکرێ دا دکەڤیت، نها ڕەوشا ساخلەمیا وى خرابە

پێدڤى نیشتەگەریێ یە و داخوازا هاریکاریێ دکەن
​ئاکرێ.. د دەما هەلکرنا ئاگرێ نەورۆزێ دا گەنجەک د کەلا ئاکرێ دا دکەڤیت، نها ڕەوشا ساخلەمیا وى خرابە
فۆتۆ: 
2019-03-23

1421 جار خوێندراوەتەوە

ل قەزایا ئاکرێ د دەما هەلکرنا ئاگرێ نەورۆزێ دا گەنجەک د کەلا ئاکری دا دکەڤیت و د نها دا ساخلەمیا وى یا خرابە، پێدڤى نیشتەگەریێ یە لێ ژبەر زووریا خەرجیێ ئەو نکارن وێ نیشتەگەریێ ئەنجام بدەن.

نووچەگەهانێ دیجیتال میدیایا ئێن ئاڕ تى ڕاگەهاند، ئەڤرۆ ڕۆژا ئەینى ئەم هاتینە هایدارکرن کو گەنجەکێ ٢٤ سالى ب ناڤێ "عەلى فەیزولا" کو ئاکنجیێ ناحیەیا ڕۆڤیایە د دەما مەراسیما هەلکرنا ئاگری نەورۆزێ دا ل ئاکری د کەلا ئاکرێ دا دکەڤیت و د نها دا ساخلەمیا وى یا خرابە.

عومەر فەیزولا برایێ وى گەنجى ژى بۆ ئێن ئاڕ تى دیار کر، پشتى بوویەری بۆ نەخوشخانا ئاکری هاتیە شاندن و پاشى بۆ نەخوشخانەیا تەنگاڤیێن دهۆکێ هاتیە شاندن، لگورى گوتنا نوژداران پێدڤى ب نیشتەگەریەکا ١٠ دەمژمێرەى یە، لێ سەرکەتنا وێ نیشتەگەریێ ١٠٠% نینە.

زەلال ژى کر، ژبەر زووریا خەرجیێ نیشتەگەریێ ئەو نکارن وێ نیشتەگەریێ ئەنجام بدەن و داخوازا هاریکاریێ دکەن.

ڕۆژا چار شەمبی ٢٠ێ ئادارا ٢٠١٩ێ سەباح زۆهێر بەرپرسێ راگەهاندنا ساخلەمیا ئاکرێ بۆ ئێن ئاڕ تی راگەهاند، د شەڤا ڤێخستنا ئاگرێ نەورۆزێ دا، دوو روودانێن هاتنوچوونێ روودانە و د ئەنجامێ دا کەسەکی ژیانا خوە ژ دەست دایە و پێنج کەس ژی بریندار بوونە.

هەروەسا دازانین، د ئەنجاما بوویەرێن دن یێن جوودا دا ژی حەفت کەسێن دن برینداربوونە و هەژمارک ژ وان بۆ نەخوەشاخانەیا دهۆکێ هاتنە شاندن.

بەرپرسێ راگەهاندنا ساخلەمیا ئاکرێ هەروەسا دیار کر، د ئەنجاما تەقەکەرنێ دا دوو کەس بریندار بوونە کو یەک ژ وان زارۆکە و گولە ل سەرێ وی کەتیە و د ئەنجاما نەشتەرگەریێ دا گولە د سەرێ وی دا هاتیە دەرخستن.

م.ن