چاوپێکەوتن.. لێدوانەکانی مینۆتی دەربارەی میسی

AM:11:27:27/07/2021

2636 جار خوێندراوەتەوە

+ -

مینۆتا ڕایگەیاند میسی دوای بەدەستهێنانی جامی کۆپا ئەمریکا لە باشترین ساتەکانی ژیانی پیشەگەریدایە.

سیزار مینۆتی ڕاهێنەری پێشووی ئەرجەنتین و بەرشەلۆنە دوپاتیکردەوە لیۆنێل میسی ئەستێرەی ئەرجەنتینی ئاستێکی بەرزی لە کۆپا ئەمریکا پێشکەش کرد و بەپەرۆشم بۆ بینینی ئەگوێرۆ بە درێسی بەرشەلۆنەوە.

سیزار لە چاوپێکەوتنێکدا لەگەل ڕۆژنامەی مۆندۆ دیبۆرتیڤۆی ئیسپانی وتی: میسی لەباشترین ساتەکانی ژیانی پیشەگەریدایە و لە لایەنی دەرونی و جەستەیی و بەهێزە ماوەیەکی زۆرە توشی پێکانی مەترسی نەبووە, ئەمڕۆ باشترین کاتی میسیە چونکە دڵخۆشە.

مینۆتی وتیشی: میسی بەپێچەوانەی یاریزانانی تری تۆپی پێوەیە ئەو وادەکات یاریەکان ببەیتەوە و هۆکارێکە تا هاوڕێکانی بەشێوەیەکی باشتر یاری بکەن , زۆر قورسە وەک میسی بیت.

دەربارەی ڕووداوەکانی کۆپا ئەمریکا مینۆتا ئاماژەی بەوەدا کە میسی بەشێوەیەک دەرکەوت کە هەرگیز وانەبینرابوو , ئەو تەنها بەهۆی نازناوەکەوە دڵخۆش نیە بەڵکو لەبەرئەوەیە کە کەسانی دەوروبەری خۆشیاندەوێت.

هەروەها وتی: ئەگەر مارادۆنا لەژیاندا بوایە ئەوا بەدڵنیاییەوە زۆر دڵخۆش دەبوو بە بردنەوەی ئەو نازناوە و بێگومان باوەشی بە میسیدا دەکرد و هەردووکیان دەگریان.