لەوانەیە زۆر کات پرسیار لات دروست ببێت، ئایا بۆچی لە زستاندا ددانەکانت هەستیار دەبن و هەست بە ئازار دەکەیت بەتایبەت لە بەیانیاندا، زۆرێک لە توێژینەوەکان دەریانخستووە هۆکارەکەی کلۆربوونی ددان و تێکچوونی ددانە و بە هەندێک رێگە دەتوانێت لەو هەستیارییە خۆت ڕزگار بکەیت.

ماڵپەڕی " فۆشیا" ئەو ڕێگانەی بڵاوکردۆتەوە کە دەتوانیت لە رێگەیەوە خۆت لە هەستیاری ددان لە وەرزی زستاندا بپارێزیت:

شۆردنی ددان بە هێواشی:

دەبێت زۆر بە هێواشی ددان بشۆیت و پێویست بە پەلەکردن ناکات بۆ ئەوەی زیان بە ددانەکە نەگەیەنیت.

بەکارهێنانی فڵچەیەکی نەرم:

دەبێت بزانیت شتنی ددان بە هێواشی، فڵچەیەکی نەرمی دەوێت چونکە فڵچە زبرەکان لەوانەیە ددانەکە تووشی خوێنبەربوون بکەن.

دوورکەوتنەوە لە خواردنەوە گازییەکان:

خواردنەوە گازییەکان زۆر زیان بە ددان دەگەیەنن، چونکە چینی ددانەکە کە بە "مینا" ناسراوە، لێی دەکاتەوە و ددانەکە کەڕوو دەکات و تووشی کلۆربوون دەبێت.

دوورکەوتنەوە لە سپیکردنەوەی ددان:

ئەگەر ددانەکانت تووشی هەستیاری بوون باشترە لەم رێگەیە دوور بکەویتەوە ، لەوانەیە ببێتە هۆی خواردنی چینی مینا لەکۆتاییدا.

بەکارهێنانی (غسوولی دەم) کە فلۆرایدی تێدایە:

دەرکەوتووە شتنی ددان تەنیا بە ئاو سوودی نابێت، چونکە ئاو لەوانەیە زیان بە چینی مینا بگەیەنێت و قوورس بێت بۆی، بۆیە باشترە غسوولی دەم بەکاربهێنیت کە "فلۆراید"ی تێدایە چونکە ئەوە مادەی کانزایی سروشتی تێدایە و لەکاتی تووشبوون بە هەستیاری، پووک دەپارێزێت لە کلۆربوون.

سەردانیکردنی پزیشک:

لەکۆتایدا دەبێت هەموو شەش مانگ جارێک سەردانی پزیشکی ددان بکەیت و پشکنین بکەیت بۆ دڵنیابوون لە تەندروستی ددانەکانت.

ر.ئ