پرۆتینەکان چەندین ئەرکی جیاواز و گرنگیان هەیە و رۆڵی سەرەکەی دەبینن لە گەشەی جەستە و پرۆسە بایەلۆجیەکانی تردا، بۆیە دەبێت رۆژانە بەپێی پێویست جەستە پرۆتین وەربگرێت.

جەستەی مرۆڤ بە نزیکەیی لە ١٠٠ ترلیۆن خانە پێکدێت و هەر یەکێکان هەزاران پرۆتینی تێدایە کە پێویستیەتی بۆ ئەوەی بە شێوەیەکی تەندروست کار بکەن.

لە بابەتێکی ماڵپەڕی "موزوع"، ئاماژە بە چەند خۆراکێک دراوە کە بە سەرەکیترین سەرچاوەکانی پرۆتین دادەنرێن، ئەوانیش:

- هێلکە، دەوڵەمەندە بە تەواوکەرە خۆراکیەکانی وەک ڤیتامین و کانزا و چەوری تەندروست و دژە ئۆکسیدەکان.

- سنگی مریشک، یەکێک لەو خۆراکانەی کە دەوڵەمەندە بە پرۆتین و تامێکی خۆشی هەیە، جگە لە سوودە زۆرەکەی ئامادەکردنی ئاسانە.

- شیر، بەهای خۆراکیی زۆرە، چونکە دەوڵەمەندە بە کالسیۆم و فسفۆر و ڕیبۆفلاڤین.

- Cottage Cheese پەنیرێکی کەم چەوریـە و کالۆری کەمە و دەوڵەمەندە بە کالسیۆم و فسفۆر و سیلینیۆم و ڤیتامین B12.

- گۆشتی مانگا، بڕێکی زۆری پرۆتینی تێدایە، ئاسن و ڤیتامین B12 تێدایە، لە ٨٥ گرام گۆشتی مانگادا ٢٢ گرام پرۆتین و ١٨٤ کالۆری چێکراوە بە مەرجێک بە زەیتێکی کەم ئامادە کرابێت.

- گۆشتی ماسی، یەکێکە لە تەندروستترین خواردنەکان، چونکە سەرچاوەیەکی دەوڵەمەندن لە چەورییە تەندروستەکان (وەک ئۆمێگا-3) و سەرچاوەیەکی دەوڵەمەندی پرۆتینن، لە ٨٥ گرام ماسی سەلەمۆندا ١٩ گرام پرۆتین و ١٧٥ گرام کالۆری هەیە.