شۆڕش ساڵح پێشانگای چنینی شوناسه‌كان لە لەندەن دەکاتەوە

2019-04-23

3357 جار خوێندراوەتەوە

+ -

هونەرمەندێکی کورد لە مۆزه‌خانه‌ی په‌ناهه‌نده‌كان له له‌نده‌ن پێشه‌نگایه‌ك دەکاتەوە.

لە لێدوانێکدا بۆ دیجیتاڵ میدیای ئێن ئاڕ تی هونەرمەند شۆڕش ساڵح ئاماژەی بەوەکرد، پێشانگاکە بەناوی چنینی شوناسه‌كان لەلایەن مۆزه‌خانه‌ی په‌ناهه‌نده‌كان له‌ له‌نده‌ن کراوەتەوە‌، وه‌ك میوانێك له‌ پێشه‌نگایه‌كی گه‌وره‌تر به‌ ناوی ( جێیه‌ك بۆ هه‌ناسه‌دان) کە له‌ رۆژی  ٤ی نیسان دەستی پێکردووە و تا ٢٨ی نیسانی ٢٠١٩ بەردەوام دەبێت.

شۆڕش لەبارەی ناوەرۆک و بابەتی ئەو تابلۆیانەی کە لەوپێشانگایەدا نمایشیان دەکات وتی "كاره‌كان په‌یوه‌ستن به‌ قه‌یرانی كۆچی به‌لێشاوی په‌ناهه‌نده‌كان و كاره‌ساتی مردن و نوقومبوونی سه‌رنشینه‌كان".

ئەو هونەرمەندە لەوپێشانگایەدا ئایدیای به‌له‌می كاغه‌زین و فه‌رشی فڕیوی به‌كارهێناوه‌ بۆ گوزارشتکردن له‌و‌ كاره‌ساته‌. وەک خۆی دەڵێت "به‌كارهێنانی به‌له‌می كاغه‌زی ده‌گه‌ڕێته‌وه‌ بۆ باری خراپی ئه‌و به‌له‌مانه‌ی كه‌ كۆچبه‌ران كۆچی پێده‌كه‌ن، فه‌رشی فڕیویش له‌ خه‌یاڵدانی مرۆڤی ئێمه‌دا ئاماژه‌یه‌ بۆ ئازادی سه‌فه‌ركردن و فڕین به‌سه‌ر هه‌موو سنوره‌كاندا".

له‌ پێشانگاکەدا جگە لە نمایشکردنی تابلۆکان دوو ۆركشۆپی هونه‌ری بەڕێوەدەچێت.

شۆڕش حەمەساڵح شێوەکارێکی کوردە، پاش مانەوەی بۆ ماوەی ١٠ ساڵ لە بەریتانیا و داواکردنی مافی پەنابەرێتی دواجار ڕەگەزنامەی ئەو وڵاتەی پێبەخشرا، بەوپیێەی پێشتر تواناکانی خۆی لە بواری ئەدەبی و هونەری پەرەپێدەدا، پەیوەندیکردووە بە قوتابخانەی شازادە بۆ هونەری ترادسیۆن و لەو بوارەدا ماستەری بەدەستهێناوە، چەند ساڵێکە لەو قوتابخانەیە درێژە بە هونەرەکەی دەدات و یەکێکە لە ستافی قوتابخانەی شازادە بۆ هونەری ترادسیۆن.


 

ANFAL

Capsize

The Kiss, After Gustav Klimt.

Garden

Homeless

Flying Carpet

Conflict

Fight

Birds

After-Garden of earthly delights

PEACOCKS

Migration