نوێترین ڤیدیۆ کلیپی حەسەن هەیاس و هەڤاڵ خانەقینی بڵاودەکرێتەوە

2019-12-12

15299 جار خوێندراوەتەوە

+ -

هونەرمەندان حەسەن هەیاس و هەڤاڵ خانەقینی ڤیدیۆ کلیپێک بە ناوی (بەو) بە شێوەی دوێت بڵاودەکەنەوە.

ئەیاد جەبار دەرهێنەری ڤیدیۆ کلیپەکە بە دیجیتاڵ میدیای ئێن ئاڕ تی راگەیاند: گۆرانیەکە بە زاراوەی کەڵهوریە و بە ناوی بەو (وەرە) بە شێوەی دوێت لە لایەن هەردوو هونەرمەندی دیاری شاری خانەقین حەسەن هەیاس و هەڤاڵ خانەقینی بڵاودەبێتەوە.

ئاماژەی بەوەش کرد، کلیپەکە لە شاری هەولێر وێنەی گیراوە و ئەحمەد عەبدولکەریم مۆنتاژی کارەکەی کردوە.

ئەوەشی وت، گۆرانیەکە تێکست و ئاوازی هونەرمەند (حەسەن هەیاس) و میوزیکەکەشی لە لایەن هونەرمەندی رۆژهەڵاتی کوردستان (وەحيد نەزەرى كرمانشاهى)وە دابەشکراوە، هەفتەی ئایندە بڵاودەبێتەوە.

 

حەسەن هەیاس و هەڤاڵ خانەقینی دوو هونەرمەندی دیاری کوردن و خاوەنی هەوادارێکی زۆرن و تائێستاش چەندین گۆرانی و ڤیدیۆ کلیپی تایبەت بەخۆیانیان هەیە.

ترەیلەری ڤیدیۆکلیپەکە لەم لینەکدا ببینە