ئەمڕۆ كۆنسێرتەکەی عەدنان کەریم بەڕێوەدەچێت

2019-07-12

4885 جار خوێندراوەتەوە

+ -

ئەمڕۆ کۆنسێرتی گۆرانی و موزیکی هونەرمەندی گۆرانیبێژ عەدنان کەریم و گروپی هونەریی مەحوی لە شاری هەولێر بەڕێوەدەچێت.

ئەم کۆنسێرتەی هونەرمەندی گۆرانیبێژ عەدنان كەریم لە هەولێر لە چوارچێوەی ئەو زنجیرە كۆنسێرتەدایە کە بڕیارە لە داهاتوودا لە شارەكانی تری هەرێمی كوردستان سازبکرێن.

عەبدولغەفار عەبدوڵڵا، بەڕێوەبەری كۆنسێرتەکە لە لێدوانێکدا بۆ دیجیتاڵ میدیای ئێن ئاڕ تی ئاماژەی بەوەکرد، كۆنسێرتەکە لە لایەن كەرتی تایبەتەوە بەڕێوەدەچێت، ئەمڕۆ هەینی ١٢ی تەمووزی ٢٠١٩ کاتژمێر حەوتی ئێوارە، یەکەمین کۆنسێرتی هونەرمەند عەدنان کەریم لە هۆڵی سەعد عەبدوڵڵا لە شاری هەولێر سازدەكرێت و گروپی هونەری (مەحوی) لەگەڵ عەدنان كەریم بەشدار دەبن.

بەڕێوەبەری کۆنسێرتەکەی هونەرمەند عەدنان کەریم ئەوەشی خستەڕوو نرخی بلیتی كۆنسێرتەكە لە ٣٠ هەزار تا ٦٠ هەزار دینار بووە، بە ڕیكلامێكی كەم، بلیتەكان فرۆشراون.

عەبدولغەفار عەبدوڵڵا  وتی "پلانی عەدنان كەریم ئەوەیە لە شارەكانی (سلێمانی، هەڵەبجە، دهۆك و سۆران)یش كۆنسێرت سازبکات، بەڵام رەنگە ئەو كۆنسێرتانەی دیكە بكەونە وەرزی پاییز".

No photo description available.

Image may contain: 1 person, suit and text

Image may contain: 10 people, people smiling, people on stage, people standing, wedding and indoor