کەشناسی: پلەکانی گەرما بەرزتر دەبنەوە
لە ئێستادا لە بازاڕی دراوەکانی هەرێم، ١٠٠ دۆلار بە ١٤٦ هەزار و ٩٠٠ دینار مامەڵەی پێوە دەکرێت.
وەزیری تەندروستی حکومەتی کاربەڕێکەری هەرێم رایگەیاند، ساڵآنە بە دوو شەپۆل ئەو پەتایە بڵاو دەبێەتەوە و بە گشتی ئەو پەتایەی ئێستا بڵاوبووەتەوە نیشانەکانی سوکە و کەسی توشبوو پێویستی بە نەخۆشخانە نابێت.
کەشناسیی هەرێم رایگەیاند، ئەمڕۆ و سبەی ئاسمان ساماڵ و پەڵەهەور دەبێت. دەشڵێت، "پلەکانی گەرما بەرزتر دەبنەوە".
وەزارەتی کارەبای حکومەتی کاربەڕێکەر هۆکاری کەمبوونەوەی کاتەکانی پێدانی کارەبای نیشتیمانی بە هاوڵاتییان ئاشکرا کرد و دەڵێت، سبەی کارەبا چاک دەبێت.
کابینەى حکومەتى کاربەرێکەر بەڵێنى چارەسەرکردنى کێشەى ئاوى دا و وتى بەنداو دروست دەکات و کاریگەرى وشکەساڵى کەم دەکاتەوە، بەڵام یەک بۆرى ئیفرازى بۆ تازە نەکرایەوە و تائێستاش بەشێکى هاوڵاتیانى هەرێم ئاوى پاکى خواردنەوەیان پێناگات.
بە گوێرەی بازاڕی پێنوێنی جیهانیی نەوت، لە ئێستادا یەک بەرمیل نەوتی برێنت بە ٨٨ دۆلار و ١٩ سەنت مامەڵەی پێوە دەکرێت، بەراورد بە دوێنێ نرخەکەی جێگیرە.
دوێنێ سێشەممە، پێنج کۆچبەر لەکاتی تێپەڕبوونیان بە کەناڵی ئینگلیزدا گیانیان لەدەستدا، پەیامنێری ئێن ئاڕ تیش باسی لەوە کرد، بەلەمەکە زیاتر لە ١٠٠ کۆچبەری تێدا بووە و بەشێک لەوانەی گیانیان لەدەستداوە کوردن.
بەرگری شارستانی هەولێر رایگەیاند، دوای ئەوەی شەوی رابردوو دوو رووداوی ئاگرکەوتنەوە لە بازاڕی شێخەڵای هەولێر روویدا، لە دوای لێکۆڵینەوەکان بۆیان دەرکەوتووە رووداوی ئاگرکەوتنەوەی یەکەم بەهۆی سوتانی ماتۆڕی موبەریدەیەک بووە لەسەربانی دوکانێک و رووداوی دووەمیش بەهۆی شۆرتی کارەباوە بووە.
پەرلەمانتارێکی پەرلەمانی عێراق رایگەیاند، دەبوایە هەرێم دەستی بکردایە بە جێبەجێکردنی بڕیارەکانی دادگای فیدڕاڵی لە پرۆسەی بەبانکیکردنی مووچە. دەشڵێت، "بانکی رەشید و رافیدەین ئامادەییان نیشانداوە لە هەولێر و سلێمانی لق بکەنەوە و تەنها رەزامەندی هەرێم ماوە".
سەرۆک وەزیرانی عیراق رایگەیاند، پارەی تەواوی جوتیاران خەرج دەکرێت بۆ ئەوەی لەکاتی رادەستکردنی بەرهەمەکانیان بە وەزارەتی بازرگانی، راستەوخۆ پارەکانیان وەربگرن.
بەڕێوەبەری بەنداوی دەربەندیخان رایگەیاند، پێشبینی دەکەن دوو سبەی، ٢٦ـی ئەم مانگە، بەنداوی دەربەندیخان سەرڕێژ ببێت.
پەیامنێری ئێن ئاڕ تی ئاماژەی بەوە کرد، بۆ جاری حەوتەم حکومەتی ئەڵمانیا کۆمەڵێک کۆچبەری دیپۆرتی عێراق کردوە کە ژمارەیان نزیکەی ٢٥ کۆچبەرە و زۆرینەشیان کورد بوون.
شارەزایەکی کەشناسی رایگەیاند، لە رۆژی ٢٩ـی ئەم مانگەوە کە دەکاتە دووشەممەی هەفتەی داهاتوو، شەپۆلێکی بارانبارینی بەخوڕ روو لە ناوچەکانی هەرێمی کوردستان و ناوەڕاست و باشووری عێراق دەکات و رۆژی ٣ـی ئایار کۆتایی دێت.
پۆلیسی کەرکوک رایگەیاند، ئەو چوار تۆمەتبارەی کە دوو شەو پێش ئێستا نزیکەی ١٥٠ ملیۆنیان لە ماڵی هاوڵاتییەک لە گەڕەکێکی کەرکوک برد، دەستگیر کراون.
نوسینگەی سەرۆک وەزیرانی عێراق بڵاوی کردەوە، سەرۆک وەزیرانی عێراق دوو پڕۆژەی ئاوەڕۆی راگەیاند لە ناوچەی عانە بە تێچووی ١٠١ ملیار دینار و ناوچەی کوبەیسە بە تێچووی ١٠٨ ملیار دینار.
حکومەتی کاربەڕێکەری هەرێم رایگەیاند، وەزارەتی دارایی و ئابووری و شاندی دانوستانکاری راسپاردووە، ئەوەی لە یاسا بەرکارە فیدڕاڵیيەکان دەستنیشان کراوە وەک بەشی گەنجینەی فیدڕاڵیی لە داهاتی نانەوتی بەدەستهاتوو لە هەرێم، بخرێتە سەر هەژماری وەزارەتی دارایی عێراق.
پاش ئەوەی لە چەند رۆژی رابردوودا نرخی زێڕ لە بازاڕەکانی جیهاندا نزم بووەوە، لە ئێستادا نرخی ئەو کانزا زەردە روو لە بەرزبوونەوەیە و لە بازاڕەکانی هەرێم بەراورد بە دوێنێ، هەر مسقاڵێک نزیکەی هەشت هەزار دینار بەرز بووەتەوە.
شەوی رابردوو ئاسایشی هەولێر رایگەیاند، لە رووبەڕووبوونەوەی هێزەکانیان لەگەڵ دوو بازرگانی ماددەی هۆشبەر یەکێکیان کوژراوە. کەسوکاری کوژراوەکەش رەتی دەکەنەوە بازرگانی ماددەی هۆشبەر بوبێت.
بۆ بەرنگاربوونەوەی بەرزی پلەی گەرما، کەمکردنەوەی کاریگەری لە سەر پێست و جەستە و پاراستنی لە وشک بوونەوە، رێگە گرتن له زۆربوونی کێش و قەڵەوی بێجگە لە خواردنەوەی بڕی گونجاو لە ئاو، پێویستەگرنگی زیاتر بدرێت بەم خۆراکانە لە وەرزی هاوین.
رێکخراوى لێبوردنى نێودەوڵەتى رایگەیاند، لە هەرێمى کوردستان ئەوانەى رەخنە لە حکومەت دەگرن دەستگیر دەکرێن و تۆمەتى ساختەیان دەدرێتە پاڵ.
بەگوێرەی زانیارییەکانی پەیامنێری ئێن ئاڕ تی راگەیاند، دابەشکردنی مووچەی مانگی چوار دەکەوێتە کۆتایی هەفتەی داهاتوو.
سەرۆکی لیژنەی دووبارە گەڕانەوەی ئاوارەکانی باشووری پارێزگای سەڵاحەدین رایگەیاند، ٣٥٠ خێزانی ئاوارەی دیکە لە کەمپەکانی هەرێمی کوردستانەوە گەڕاونەتەوە زێدی خۆیان لە ناحیەی یەسرپی باشووری پارێزگای سەڵاحەدین.
نوێنەرایەتی نەتەوە یەکگرتووەکان لە عێراق (یۆنامی) رایگەیاند، بەردوام لە داواکاری بۆ ئەنجامدانی هەڵبژاردنێکی گشتگیر لەکاتی خۆیدا.
چاوگێک لە وەزارەتی دارایی عێراق بە ئێن ئاڕ تی راگەیاند، وەزارەتی دارایی عێراق دەستیکرد بە وردبینیکردن لە لیستی مووچەی مووچەخۆرانی هەرێم، بەڵام لە تەرازووی پێداچوونەوەدا گرفت بەدیکراوە.
جێگری سەرۆکوەزیرانی ئازەربایجان و سەرۆکی کۆمیسیۆنی دیاریکردنی هێڵی سنووری نێوان ئازەربایجان و ئەرمینیا رایگەیاندووە، سەرقاڵی دیاریکردنی هێڵی سنووری نێوان هەردوو وڵاتن و بۆ یەکەمجار بەردی بناغەی هێڵێکی سنووری دانراوە.
ئەمڕۆ ٢٤ی نیسان، نیو سەدە بەسەر بۆردومانکردنی شاری قەڵادزێ و زانکۆی سلێمانی لەلایەن رژێمی بەعسەوە تێدەپەڕێت، کە ئەو کات زانکۆی سلێمانی لە قەڵادزێ بوو.
کەشناسی هەڕێم کەشوهەوای پێشبینیکراوی ئەمڕۆ و سبەی بڵاوکردەوە و ئاماژەی بەوەکردووە، پلەکانی گەرما بەرزدەبنەوە و لە چەند ناوچەیەک خۆڵ دەبارێت.
کۆمسیۆنی باڵای سەربەخۆی هەڵبژاردنەکانی عێراق- لقی هەولێر رایگەیاند، لەبەر پێویستی و بەرژەوەندی گشتی و گرێنتی دان و دەستەبەرکردنی هاوسەنگی کارەکان، پۆستی بەڕێوەبەری ئۆفیسی هەڵبژاردنەکانی هەولێر گۆڕانکاری تێداکراوە.
دوای ئەوەی دوێنێ سێشەممە، نرخی دۆلار بۆ خوار ١٤٧ هەزار دینار دابەزی، لە ئێستادا ١٠٠ دۆلار بەرامبەر بە ١٤٧ هەزار دینارە.
چاوگێک لە بەڕێوەبەرایەتی پۆلیسی کەلار بە دیجیتاڵ میدیای ئێن ئاڕ تی راگەیاند، ژمارەیەک تۆمەتبار کە فەرمانی دەستگیرکردنیان بۆ دەرچووبوو بەرەبەیانی ئەمڕۆ لە باوەنور – کەلار دەسترێژی گوللـەیان لە بنکەیەکی پۆلیسی ١٠٤ و بەڕێوەبەری پۆلیسی کەلار کردووە.دەشڵێت،"تۆمەتبارەکان سێ کەس بوون و لە ئێستاشدا دەستگیرکراون".