سلێمانی‌: ته‌رمی‌ گه‌نجێك له‌ناو ئۆتۆمبیله‌كه‌یدا دۆزرایه‌وه‌

‌ 2844 ‌جار خوێندراوه‌ته‌وه 27/7/2012 15:10:00
گۆڕینی فۆنت

هێرش سه‌نگه‌ری‌: سلێمانی‌

پاش نیوه‌ڕۆی‌ ئه‌مڕۆ  شۆفێرێكی‌ ته‌كسی‌ له‌ نزیك فولكه‌ی‌ كاوه‌ له‌شاری‌ سلێمانی‌ به‌ فیشه‌كی‌ ده‌مانچه‌ گیانی‌ له‌ده‌ستدا و ئاسایشی‌ سلێمانیش ده‌ڵێت ئه‌و كه‌سه‌ خۆی‌ كوشتووه‌.

كاتژمێر  2:30 خوله‌كی‌ پاشنیوه‌رۆی‌ ئه‌مڕۆ شۆفێرێكی‌ ته‌كسی‌ له‌ جۆری‌ ئۆپڵ، له‌نزیك فولكه‌ی‌ كاوه‌ و به‌رامبه‌ر به‌ ئاسایش گشتی‌ سلێمانی‌ به‌ فیشه‌كی‌ ده‌مانچه‌ خۆی‌ كوشت .

نه‌قیب رزگار حه‌مه‌ره‌حیم لێپرسراوی‌ به‌شی‌ راگه‌یاندن و په‌یوه‌ندیه‌كان له‌ ئاسایشی‌ سلێمانی‌ رایگه‌یاند:  شۆفێری‌ ئه‌و ته‌كسیه‌ی‌ كه‌ خۆی‌ كوشتوه‌ كورده‌ و ته‌مه‌نی‌ 32 ساڵه‌،  پاش ئه‌وه‌ی‌  ئۆتۆمبیله‌كه‌ی‌ راگرتوه‌ به‌ فیشه‌كێكی‌ ده‌مانچه‌ كۆتایی‌ به‌ ژیانی‌ خۆی‌ هێناوه‌ كه‌سیشی‌ له‌ گه‌ڵدا نه‌بینراوه‌، وتیشی‌ ئه‌نجامه‌ سه‌ره‌تاییه‌كان ده‌ریده‌خه‌ن كه‌ روداوه‌كه‌ خۆكوژییه‌ و لێكۆڵینه‌وه‌ له‌ رووداوه‌كه‌ ده‌ستی‌ پێكردوه‌.

فۆتۆ:kurdsat