وەزارەتی دەرەوەی روسیا رایگەیاند، وڵاتەکەی رێگری لە سەرۆک وەزیرانی بەریتانیا و چەند بەرپرسێکی تری ئەو وڵاتە دەکات بچنە ناو خاکی روسیاوە و هۆکارەکەشی بۆ سزاکانی سەر وڵاتەکەی گەڕاندەوە.
وەزارەتی دەرەوەی روسیا لە راگەیەنداروێکدا ئاماژەی بەوەدا، هەریەک لە بۆریس جۆنسۆن سەرۆک وەزیرانی بەریتانیا و بێن والاس وەزیری بەرگری بەریتانیا و لیزا ترەیس وەزیری دەرەوەی ئەو وڵاتە و دەیان سیاسەتمەدار و دەسەڵاتداری دیکەش رێگەیان پێنادرێت سەردانی روسیا بکەن.
ئاشکراشیکردووە، "هۆکاری رێگریکردنەکە
لەو بەرپرسانە ئەو سزا قورس و نابەرپرسانەیە کە بەریتانیا بەسەر بەرپرسە گەورەکانی
روسیادا سەپاندویانە."
لایخۆشیەوە ئاژانسی هەواڵی رۆیتەرز ئەوەی
خستەڕوو، روسیا لە پلانیدایە سزا بەسەر چەند بەرپرس و سیاسییەکی تری بەریتانیا بسەپێنێت
و رێگریان لێبکات بۆ چوونە ناو وڵاتەکەی.
ئەمەش دوای ئەوەدێت بەهۆی هێرشەکانی روسیا
بۆ سەر ئۆکرانیا بەریتانیا چەندین سزای توندیئابووری بەسەر روسیادا سەپاند و چەند رۆژێک دوای چۆڵكردنی کیێڤی پایتەختی ئۆکرنیا
لە لایەن سوپای روسیاوە بۆریس جۆنسۆن سەرۆک وەزیرانی بەریتانیا لەگەڵ ڤۆلۆدیمیر زیلینسکی
سەرۆکی ئۆکرانیا سەردانی ئەو شارەی کرد.