PM:11:38:15/04/2022
5792 جار خوێندراوەتەوە
لە شاری بەغدای پایتەخت و ژمارەیەک شاری تری عێراق خۆپیشاندانە و هاوڵاتیان داوا لە دەسەڵاتداران دەکەن چی زووە حکومەت پێکبهێنن.
میدیاکانی عێراق بڵاویانکردەوە، ئەمشەو لە بەغدا، واست، کەربەلا، نەجەف، موسەنا، بەسرە، بابل، دیوانییە هاوڵاتیان خۆپیشاندانیان ئەنجامداوە و داوای بەپەلە پێکهێنانی حکومەت دەکەن.
ئەو هاوڵاتیانە
باس لەوەدەکەن، بە زیاتر دواخستنی پێکهێنانی حکومەت دۆخی وڵات ناجێگیرتر دەبێت و ئەوەش
کاردەکاتە سەر ژیانی هاولاتیان.
هەڵبژاردنی پێشوەختەی
پەرلەمانی عێراق لە ١٠ی مانگی تشرینی یەکەمی ساڵی رابردوو بەڕێوەچوو، لەو کاتەوە تاوەکو
ئێستا لایەنە عێراقییەکانی نێو پەرلەمان نەگەیشتوونەتە رێککەوتن بۆ پێکهیێنانی
حکومەت.
