سەردێڕ:

کەمی ڤیتامینێک ئەگەری توشبوون بە جەڵتەی مێشک زیاد دەکات

PM:04:36:15/04/2022

6224 جار خوێندراوەتەوە

زانایانی زانکۆی جۆنز هۆپکینزی ئەمریکی رایانگەیاندووە، کەمبوونەوەی ئاستی ڤیتامینی دی لە جەستەدا مەترسی توشبوون بە جەڵتەی مێشک زیاد دەکات.


ماڵپەڕی expressی ئەمریکی ئاماژەیان بە توێژینەوەکەی ئەو زانکۆیە کردووە و رایانگەیاندووە، ڤیتامین دی چەندین ئەرکی گرنگ لە جەستەدا ئەنجام دەدات، وەک بەهێزکردنی سیستمی بەرگری جەستە و بەهیزکردنی ماسولکەکان، لە هەمان کاتدا بەرپرسە لە ڕێکخستنی ئاستی کالسیۆم و فۆسفۆر لە جەستەدا، کە ئەوەش بۆ تەندروستیی ئیسک و ددانەکان گرنگە، لەهەمان کاتدا ڤیتامین دی پەیوەندیی بە تەندروستیی دڵ و سوڕی خوێنەوە هەیە.

بەگوێرەی زانایان دابەزینی ئاستی ڤیتامین دی لە جەستەدا ئەگەری توشبوون بە جەڵتەی مێشک زیاد دەکات بەتایبەت لە کەسانی ڕەش پێستدا، بە بەراورد بە کەسانی سپی پێست.

توێژەران هۆکاری ئەو جیاوازییەیان نەزانیوە و بەڵام پێیان وایە ئەگەری هەیە هۆکارەکەی ئەوە بێت "کەسانی ڕەش پێست بەهۆی جۆری رەنگیانەوە بەرامبەر تیشکی خۆر زیاتر توشی کەمبوونەوەی ڤیتامینەکە دەبنەوە."

ئیرین میچوس مامۆستای یاریدەدەر لە کۆلێژی پزیشکی زانکۆی جۆنز هۆپکینز و پەیمانگای دڵ و سوڕی خوێن لەو بارەیەوە وتوویەتی "رەش پێستەکان ئەگەری هەیە ئەم گرفتی کەمی ڤیتامینە بۆ نەوەکانیان بگوازنەوە".

ئ.ل














گەلەری