سەردێڕ:

چوارچێوەی هەماهەنگی دەستپێشخەرییەکی راگەیاند

PM:11:17:01/04/2022

24000 جار خوێندراوەتەوە

لە دەستپێشخەرییەکدا چوارچێوەی هەماهەنگی داوای دیاریکردنی گەورەترین فراکسیۆنی پەرلەمانی دەکات و مەرجەکانی خۆشی بۆ سەرۆک وەزیران ئاشکراکرد.


ئەمڕۆ هەینی، چوارچێوەی هەماهەنگی راگەیەنراوێکی بڵاوکردەوە و تیایدا هاتووە، لەسەر بنەمای ئەو بەرپرسیارێتییە شەرعی و نەتەوەیی و ئەخلاقییەی کە هێشتا لەسەریەتی، چوارچێوەی هەماهەنگی ئامادەیە بۆ دیالۆگی جددی و بنیاتنەر لەگەڵ هەموو فراکسیۆنەکان و سەربەخۆکان بۆ دەرچوون لە بنبەستگەیشتنی سیاسی.

ئاماژەی بەوەشداوە، داواش لە هەموو ئەو کەسانە دەکەن کە دڵسۆزن بەرپرسیارێتی بگرنە ئەستۆ و سوور نەبن لەسەر هاوکێشەی شکاندنی ئەو ئیرادەیەی کە دۆخەکە ئاڵۆزتر دەکات بۆ بێ سوودبوون و تاکە کەسێک کە زیانی بەرکەوتووە گەلی عێراقە.

هەر بەگوێرەی راگەیەنراوەکە چوارچێوەکە تێڕوانینی خۆی بۆ چارەسەرکردنی ئەو قەیرانە سیاسیە رادەگەیەنێت کە لەسەر بنەمای چەند خاڵێک کە لە خوارەوە هاتووە و چوارچێوەکە وردەکاریی لە دیالۆگەکانی لەگەڵ هێزە سیاسییەکاندا دیریدەکات کە بەم شێوەیەن:

١ - پابەندی مەرجە دەستوورییەکانبن و فراکسیۆنی زۆرینە لە هەردوولا بەمەبەستی گەرەنتی کردن و تەواوکردنی بەرکەوتەی نیشتیمانی بۆ مافی پێکهاتەکان بۆ سێ سەرۆکایەتییەکە، لە چوارچێوەی دیدێکی یەکگرتوودا کە چوارچێوە و هاوپەیمانەکانی و کوتلەی سەدر و هاوپەیمانەکانی هاوبەشن.

٢ - دوای راگەیاندنی فراکسیۆنی زۆرینەکاندیدی پۆستی سەرۆک وەزیران بەپێی مەرج و پێوەرە پێویستەکانی وەک کارامەیی و نەزاهە و سەربەخۆیی لە رێگەی لیژنەیەکی هاوبەشی چوارچێوەی هەماهەنگی و فراکسیۆنی سەدرەوە لەسەری رێکبکەون.

٣ - رێککەوتن لەسەر بەرنامەی حکومەت لەماوەیەکی دیاریکراودا و بە کۆدەنگی جێبەجێیبکەن، ئەو فراکسیۆنە براوانەی کە دەیانەوێت و پابەندن بە بەرنامەکەوە و شیاون بۆ بەڕێوەبردنی وڵات و لێهاتون تێیدا بەشدار بن.

٤ - ئۆپۆزسیۆن لەناو ئەنجومەنی نوێنەراندا چاودێری حکومەت بکات و بەرپرسیارە لەهەڵەکان و زیادەڕۆییەکانی و ئۆپۆزسیۆنیش دەتوانێت بەپێی یاسا بەگونجاوی کارەکانی خۆی جێبەجێبکات.

لە کۆتایی راگەیەنراوکەدا هاتووە، "داواکارین لە براکانمان کە لە رابردوودا داوا دووبارەکانی ئێمەیان رەتکردۆتەوە بۆ هاوکاری کردن لەسەر خاک و داواکردنیان بۆ ئەوەی بەرژەوەندی گەل و هاووڵاتیان بخەنە سەرو بەرژەوەندی حزبایەتی و فراکسیۆنەکانیانەوە".













گەلەری